Fota z Tvitara.
Fota Sudpresse.be
Fota Sudpresse.be
Fota Sudpresse.be
Fota Sudpresse.be
Fota Sudpresse.be
Fota Sudpresse.be
Fota z Tvitara.
Fota z Tvitara.
Fota z Tvitera.
Fota z Tvitera.
Nieviadomy adkryŭ ahoń na rynkavaj płoščy ŭ bielhijskim horadzie Ljež. Jon zabiŭ šeść čałaviek i paraniŭ 123, paśla čaho pakončyŭ z saboj.
Siarod zahinułych — dvoje padletkaŭ. Pa dadzienych palicyi, 32-hadovy napadnik stralaŭ i kidaŭ hranaty z dachu budynka ŭ centry horada, u rajonie papularnaha kaladnaha kirmaša.
Nazvana imia hetaha čałavieka: Nardzin Amrani. Jon raniej pryciahvaŭsia da adkaznaści za niezakonnaje zachoŭvańnie ahniastrelnaj zbroi.
Raniej paviedamlałasia pra dvuch i bolš napadnikaŭ, ale pa dadzienych palicyi, stralbu i vybuchi zładziŭ adzin čałaviek. Ułady nie rasceńvajuć napad terarystyčnym aktam.
Terytoryja vakoł miesca zdareńnia ačeplena.
Miedycynski piersanał akazvaŭ dapamohu ciažkaparanienym u budynku suda, zaźmieščanym na płoščy.
Stan siemiarych čałaviek aceńvajecca jak ciažki.
U haradskoj lakarni lekary sprabujuć vyratavać žyćcio paŭtarahadovaha chłopčyka, paranienaha padčas napadu.
Žurnalist Haspar Hražan ź miascovaj haziety La Meuse apynuŭsia na płoščy adrazu paśla napadu.
«My bačyli ludziej z ahniastrelnymi ranieńniami ŭ plačo, u ruku, — pryvodzić jaho słovy ahienctva Rojterz, — Ja bačyŭ ludziej zusim napałochanych, jany płakali, usie havaryli pa mabilnych telefonach».
Raniej žurnalist toj ža haziety Hreh Jenko skazaŭ u intervju Bi-bi-si, što bačyŭ vybuch.
«Heta było nievierahodna, — dadaŭ Jenko. — My bačyli čałavieka na dachu, jaki sprabavaŭ zabivać ludziej. Hety čałaviek zabiŭ siabie hranataj».
Vulicy, što viaduć u centr horada, niekatory čas byli błakavanyja, adnak ciapier ruch pa ich znoŭ adkryty. Ludziam spačatku było skazana zastavacca ŭ budynkach, ale ciapier jany viartajucca na vulicy.
Płošča Sien-Łamber źjaŭlajecca ažyŭlenaj transpartnaj raźviazkaj, jakaja absłuhoŭvaje sotni aŭtobusaŭ. Tam prachodzić kaladny kirmaš, jaki za śniežań naviedvaje kala 1,5 młn čałaviek.
