Fotarobat padazravanaha, raspaŭsiudžany paśla vybuchu 2005 hoda.
Były abvinavačany ŭ arhanizacyi vybuchaŭ u Viciebsku 14 i 22 vieraśnia 2005 hoda Vital Muraška ŭsie hetyja hady nie vychodziŭ adzin u horad, chadziŭ tolki da znajomych pradaŭcoŭ, źbiraŭ usie čeki, a na śviaty vyjazdžaŭ za horad u vialikaj kampanii. Takim čynam chłopiec zabiaśpiečvaŭ sabie alibi. Milicyjanty paśla vybuchu luboj pietardy adrazu išli da jaho. U hetym Vital vyrašaje pryznacca paśla abviaščeńnia prysudu Kanavałavu i Kavalovu.
«Ja ŭsie hetyja hady byŭ pad vialikim psichałahičnym ciskam. Ja bajaŭsia źjavicca ŭ horadzie, dzie šmat ludziej, adzin, bieź śviedkaŭ.Ja źbiraŭ, moža vy budziecie śmiajacca, čeki z tych kramaŭ, dzie niešta nabyvaŭ. Staraŭsia chadzić da znajomych pradaŭcoŭ, jakija pamiatajuć mianie ŭ tvar.
I heta adyhrała svaju rolu: kali da mianie pryjšli paśla 3 lipienia 2008 hoda, u mianie było alibi — ja akurat nabyvaŭ u šapiku praz darohu niešta, i ŭ mianie byŭ ček.A ŭsie hetyja śviaty 9 Maja, Dzień niezaležnaści, Novy hod — heta ŭvohule žach! Lepš
Takich čekaŭ u Vitala za hetyja hady naźbirałasia try vializnyja skryni!
Za sudovym pracesam nad Kanavałavym i Kavalovym Vital sačyŭ nie vielmi ŭvažliva i ŭ asnoŭnym — pa BT. Tamu aścierahajecca rabić niejkija vysnovy ab sudzie i rasśledavańni. «Viadoma, jany tam usio pryhoža pradstaviać narodu. Što tak i tak, što i Interpoł zajmaŭsia, i słužby inšych krain zajmalisia — pamyłki być nie moža. Usio hučyć pryhoža i zboku vyhladaje, što, nibyta, heta — tyja.
A jak jano nasamreč — nieviadoma. Tam ža ludzi nie durnyja, jany viedajuć, jak pakazać usio pryhoža.
Złačynstva z našym udziełam taksama raskryli pryhoža! Tam taksama praz tydzień prezident zajaviŭ, što złavili. A potym, kali nas vypuścili ciškom, kali vyśvietliłasia, što nie tyja, to nichto asabliva pra heta nie pisaŭ!»
Śmiarotnaje pakarańnie były padazravany pa vybuchach 2005 hoda… padtrymlivaje.Na jaho dumku, za takoje złačynstva, jak terakt u mietro, tolki śmierciu i karać. Ale tolki, kali asudzili sapraŭdnych terarystaŭ.
«Kali złačynstva raskrytaje i heta sapraŭdy tyja chłopcy, to ja tolki rady, što pravasudździe ździejśniłasia. Ale kali i tut niejkaja pamyłka adbyłasia, to ja navat nie viedaju… Ź inšaha boku, jany b nie aśmielilisia prymianiać śmiarotnaje pakarańnie da čałavieka, kali b nie byli ŭpeŭnienyja, što heta jon. Nichto b u nas nie aśmieliŭsia potym być adkaznym za śmierć nievinavatych ludziej. Bo kali jany apynucca nievinavatymi — heta ž abaviazkova vyśvietlicca ŭ rešcie rešt! Kali heta vyśvietlicca — palaciać hałovy, dakładna. Tamu ja liču, što jany b nie ryzyknuli prymianiać śmiarotnaje pakarańnie, nie majučy ŭpeŭnienaści».
I ŭzhadvaje ŭ jakaści paćvierdžańnia svaich słoŭ, jak išło śledstva pa jaho spravie. Darečy, asabliva adznačaje, što
ni jaho, ni brata milicyjaniery «navat palcam nie kranuli» — pryznaŭčych pakazańniaŭ nie vybivali.
«U ich byŭ zahad, niekaha zatrymać, niekaha pasadzić, kab pierad prezidentam adčytacca. Suprać nas było najbolš ulik, my pieršyja trapili im na zamietku — u mianie baćka byŭ majstram pa hadzińnikach. Voś, pieršaha, suprać kaho byli
Chacia byli momanty, kali ja dumaŭ, što fabrykujuć spravu. Iłžeśviedka źjaviŭsia, moj dobry siabra, jaki nahavaryŭ chłuśni suprać mianie».
U toj ža čas, Vital ździŭleny prysudam Uładzisłavu Kavalovu.
«Mnie cikava, čamu druhomu śmiarotnaje pakarańnie (Uładzisłavu Kavalovu). Jon ža hetaha nie ździajśniaŭ, doma siadzieŭ, na knopku nie naciskaŭ, samo prystasavańnie vybuchovaje nie vyrablaŭ. Nu, viedaŭ, nu, bačyŭ, nu, zabajaŭsia, nie zajaviŭ u milicyju. Za heta śmiarotnaje pakarańnie? Niešta ja tut nie razumieju».
Pry hetym,
Vital pryznajecca, što budzie priaciahvać źbirać čeki dziela alibi.
Vital Muraška: «Ja ad hrachu padalej zachavaju ŭsie svaje čeki. Mnie nie składana padčas kožnaha naviedvańnia kramy brać čeki: tam ukazany i čas, i miesca, dzie ja heta nabyvaŭ. I ludzi znajomyja pracujuć tam, dzie ja heta nabyvaju. U mianie vielikija try skryni hetych čekaŭ sabranyja za ŭsie hady — chaj stajać».
A na raźvitańnie žadaje sabie spakoju, kab jaho bolš nie turbavali milicyjaniery, kab vybuchi sapraŭdy spynilisia.
