U paraŭnańni z 1 studzienia hetaha hoda žycharoŭ krainy stała mienš na 14,5 tys. čałaviek, paviedamiła pres-sakratar Nacyjanalnaha statystyčnaha kamiteta Alena Kandracienka.
Skaračeńnie kolkaści nasielnictva abumoŭlena pieravyšeńniem na 22 tys. 956 čałaviek kolkaści pamierłych nad kolkaściu narodžanych pry dadatnym mihracyjnym pryroście 8 tys. 479 čałaviek (u studzieni-kastryčniku ŭ Biełaruś prybyli 14 tys. 433 čałavieki, vybyli 5 tys. 954).
Kolkaść žycharoŭ za dziesiać miesiacaŭ pavialičyłasia tolki ŭ Minsku — z 1 młn. 864,1 tys. čałaviek na 1 studzienia da 1 młn. 879,6 tys. čałaviek na 1 listapada. U astatnich rehijonach respubliki kolkaść žycharoŭ za studzień-kastryčnik źmienšyłasia. U vyniku na 1 listapada ŭ Homielskaj vobłaści naličvałasia 1 młn. 430,7 tys. čałaviek, u Minskaj — 1 młn. 405,8 tys., u Bresckaj — 1 młn. 392,1 tys., u Viciebskaj — 1 młn. 214,6 tys., u Mahiloŭskaj — 1 młn. 81,5 tys., u Hrodzienskaj — 1 młn. 62,4 tys. čałaviek.
U Biełarusi ŭ studzieni-kastryčniku naradziłasia 90 tys. 425 małyšoŭ — na 425 dziaciej bolš u paraŭnańni sa studzieniem-kastryčnikam 2010 hoda. Ahulny kaeficyjent naradžalnaści za dziesiać miesiacaŭ u cełym pa respublicy skłaŭ 11,5 na 1 tys. žycharoŭ (za anałahičny minułahodni pieryjad było 11,4 pramile). Siarod rehijonaŭ krainy samy vysoki hety pakazčyk tradycyjna ŭ Bresckaj vobłaści (12,6 pramile), samy nizki — u Viciebskaj (10).
Za studzień-kastryčnik pamierła 113 tys. 381 čałaviek — na 646 mienš u paraŭnańni sa studzieniem-kastryčnikam2010-ha. Ahulny kaeficyjent śmiarotnaści za dziesiać miesiacaŭ pa respublicy składaŭ 14,4 na 1 tys. nasielnictva (za adpaviedny pieryjad minułaha hoda jon byŭ taksama 14,4). Siarod rehijonaŭ krainy samy vysoki hety pakazčyk u biahučym hodzie ŭ Viciebskaj vobłaści (16,4 pramile), samy nizki — u Minsku (9,8).
Dziciačaja śmiarotnaść (dziaciej va ŭzroście da 1 hoda) źniziłasia ŭ Biełarusi z 4,0 na 1 tys. narodžanych u studzieni-kastryčniku 2010 hoda da 3,9 pramile ŭ studzieni-kastryčniku2011-ha.
BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
