«Biełaruś stała abjektam nie tolki napadak, ale i ekanamičnych sankcyj za vybar, jaki biełaruski narod zrabiŭ na vybarach svajho prezidenta», — zajaviŭ ministr zamiežnych spraŭ Siarhiej Martynaŭ, vystupajučy 27 vieraśnia na66-j siesii Hienieralnaj asamblei AAN.
«Biełarusy nikoli nie admoviacca ad svajho prava na vybar. Vyznačeńnie ŭłasnaha šlachu raźvićcia źjaŭlajecca dla nas śviatoj kaštoŭnaściu. Ni sankcyi, ni šantaž i pahrozy nie źmieniać našaj pazicyi.
Prava na našym baku»,— pryvodzić słovy kiraŭnika zamiežnapalityčnaha viedamstva Biełarusi Centr navin AAN.
Martynaŭ taksama zajaviŭ, što chaos pahłynaje płanietu i śviet funkcyjanuje bieź sistemy i paradku. Jon adznačyŭ, što siońnia patrebna hłabalnaja stratehija suprać chaosu, zasnavanaja na ŭmacavańni mižnarodnaha prava, palitycy hłabalnaha partniorstva i ažyŭleńnia AAN.
«Adzin hłabalny kryzis pierarastaje ŭ druhi. Mižnarodnaje prava biessaromna parušajecca. Niaroŭnaść i biednaść narastajuć, i, samaje hałoŭnaje, usio bolš ludziej u śviecie źviedvajuć pakuty», — padkreśliŭ Siarhiej Martynaŭ.
Kiraŭnik biełaruskaha MZS zaklikaŭ da ŭmacavańnia hłabalnaha partniorstva ŭ metach raźvićcia, u tym liku da vyrašeńnia pytańniaŭ pieradačy sučasnych i efiektyŭnych enierhietyčnych technałohij krainam, jakija raźvivajucca, i krainam ź siarednim uzroŭniem dachodu. Martynaŭ padkreśliŭ, što taki padychod uniasie ŭkład u pieraadoleńnie prablemy źmianieńnia klimatu. «Davajcie, urešcie, zrazumiejem: siońnia nie moža być zialonaha raju dla bahatych krain i zabrudžanaha piekła dla biednych. Abmiežavanaja prastora Ziamli vyklučaje takuju mahčymaść», — adznačyŭ ministr.
Jon vykazaŭsia za stvareńnie pad ehidaj AAN hłabalnaha miechanizmu, jaki zabiaśpiečyć dostup da sučasnych enierhietyčnych technałohij dla ŭsich krain. Martynaŭ pryciahnuŭ uvahu da farmiravańnia pa inicyjatyvie Biełarusi Hłabalnaha partniorstva suprać rabstva i handlu ludźmi, a taksama zaklikaŭ da raspracoŭki hłabalnaj palityki pa abaronie intaresaŭ moładzi.
Siarhiej Martynaŭ vystupiŭ na