Sezaryja Evara zavieršyła muzyčnuju karjeru 5

Lehiendarnaja śpiavačka z Kaba-Verde Siezaryja Evara abviaściła pra zaviaršeńnie muzyčnaj karjery. Pra heta paviedamlaje Agence France Presse sa spasyłkaj na hukazapisvalnuju kampaniju Lusafrica, jakaja vypuskaje albomy śpiavački.

Jak adznačajecca ŭ zajavie łejbła, niadaŭna 70-hadovaja vykanaŭca prybyła ŭ Paryž, kab dać sieryju kancertaŭ u Francyi. Adnak Evara była «nastolki słabaja», što ŭ vyniku pryniała rašeńnie admianić usie kancerty i spynić zaniatki muzykaj.

Za apošnija hady Sezaryja Evara nieadnarazova źviedvała prablemy sa zdaroŭjem.

U 2008 hodzie śpiavačka pieraniesła insult paśla kancertu ŭ Mielburnie. U mai 2010 hoda joj była zroblenaja apieracyja na sercy ŭ Paryžy, paśla čaho vykanaŭcy pryjšłosia admianić usie vystupy da kanca hoda. 11 sakavika 2011 hoda Sezaryja śpiavała ŭ Minsku, prezentujučy albom «Nha Sentimento».

Sezaryja Evara, prazvanaja svaimi prychilnikami «Basanohaja dziva», źjaŭlajecca adnoj z samych viadomych u śviecie vykanaŭcaŭ piesień žanru «morna», jaki zaradziŭsia ŭ Kaba-Verde.

Za hady svajoj karjery śpiavačka vypuściła 12 studyjnych albomaŭ. Apošni solny albom Evary «Nha Sentimento» datujecca kastryčnikam 2009 hoda.

U listapadzie 2010 hoda vyjšła płaścinka «Cesaria Evora & …», zbornik duetaŭ Evary z Adryjanam Čelentanam, Horanam Brehavičam, Kampajem Sehundam dy inšymi vykanaŭcami.

0

0

0

0

0

0

delfi.lt

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH