Z budynku rajonnaha vykanaŭčaha kamiteta ŭ Stoŭbcach (Minskaja vobłaść) skradzieny dziaržaŭny ściah. Źniknieńnie pałotnišča vyjavili pracaŭniki rajvykankama, pryjšoŭšy siońnia rankam na pracu. Pra zdareńnie jany adrazu ž paviedamili ŭ milicyju.
Zaraz miascovyja milicyjanty šukajuć adkaznych u źniknieńni. Jany pravodziać razmovy z aktyvistami demakratyčnaha ruchu i zdymajuć adbitki palcaŭ.
Źniaćcio dziaržaŭnaha ściahu z administracyjnaha budynka ŭ Stoŭbcach adbyvajecca nie ŭpieršyniu. U 1997 h.. taki ŭčynak ździejśniŭ tahačasny aktyvist “Maładoha frontu” Alaksiej Šydłoŭski. Za źniaćcio dziaržaŭnaha ściaha z budynka Staŭbcoŭskaha rajvykankama i naniasieńnie antyprezidenckich hrafici na ścienach damoŭ horada jaho asudzili na 1,5 hady pazbaŭleńnia voli ŭ kalonii ŭzmocnienaha režymu.
