Škołu, dzie vučyŭsia Makiej, zakryli 1

U aficyjnaj bijahrafii kiraŭnika Administracyi prezidenta Uładzimira Makieja paznačana, što jon naradziŭsia na Hrodzienščynie. Doŭhi čas było nieviadoma, u jakoj ža vioscy prajšło jahonaje dziacinstva. Minułahodniaje rasśledavańnie «Našaj Nivy» vyjaviła, što radzima čynoŭnika — vioska Niekraševičy, jakaja ciapier naležyć da Tureckaha sielskaha savietu Karelickaha rajonu. Tut pa-raniejšamu žyvuć jahonyja svajaki — rodnaja i stryječnaja ciotki.

Ź siaredziny minułaha stahodździa ŭ Niekraševičach pracavała bazavaja škoła — adnapaviarchovy budynak u centry vioski. Pavodle byłoj dyrektarki Aleny Čamerys,

dziakujučy namahańniam byłoha vučnia-čynoŭnika ŭ škole zrabili ramont: pafarbavali fasad, abnavili techničnuju bazu.

Darečy, u hetaj samaj škole taksama navučaŭsia ministr padatkaŭ Uładzimir Pałujan, jon na try hady maładziejšy za Makieja. Ichnyja fotazdymki byli na stendzie «Viadomyja vučni našaj škoły». U pryjomnaj Tureckaha sielskaha savietu paviedamili nastupnaje:

«Škoła ŭ Niekraševičach zakrytaja, i nikoli jaje ŭžo nie adkryjuć.

U vioscy zastałosia zusim mała dziaciej, ich pieraviali ŭ Turec — tut škoła bolšaja».

Pavodle aficyjnaj infarmacyi, letaś vyrašyli zakryć 40 viaskovych škołaŭ, sioleta — jašče 65.

Biełsat

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH