Jak paviedamiŭ BiełaPAN supracoŭnik adździeła infarmacyi i hramadskich suviaziaŭ UUS Homielskaha abłvykankama Juryj Pilkievič, blizu vioski Cahielnia Homielskaha rajona byli vyjaŭleny i źniščany pasievy kanapiel na płoščy 0,5 hiektara. U hety ž dzień supracoŭnikami adździaleńnia pa narkakantroli i procidziejańni handlu ludźmi AUS administracyi Savieckaha rajona Homiela blizu vioski Sasnoŭka byli vyjaŭleny i źniščany pasievy kanapiel užo na płoščy bolš za dva hiektary.
Usiaho z pačatku praviadzieńnia prahramy «Mak» na terytoryi vobłaści vyjaŭlena bolš jak 440 pasievaŭ raślin z utrymańniem narkotykaŭ. Masa źniščanaj narkasyraviny pieravysiła 25 ton. Mierapryjemstvy prahramy «Mak» buduć doŭžycca da 31 žniŭnia.
Milicyja nahadvaje, što za niezakonny pasieŭ i vyroščvańnie zabaronienych da ŭrablańnia raślin praduhledžana adkaznaść na padstavie artykuła 16.1 Kodeksa ab administracyjnych pravaparušeńniach. Za pasieŭ abo vyroščvańnie z metaj zbytu abo vyrabu narkatyčnych srodkaŭ zabaronienych da ŭrablańnia raślin — kryminalnaja adkaznaść.
Hladzi jašče: Cełaje pole dzikarosłych kanoplaŭ rasło ŭ miežach Słonima + fota
