Jak i mierkavała «Naša Niva», dziaviatym pamiłavanym fihurantam kryminalnaj spravy pa padziejach Płoščy staŭ Uładzimir Chamičenka. U kałonii № 19 kala Mahilova, dzie asudžany adbyvaŭ pakarańnie, zajavili, što Uładzimir Chamičenka adbyŭ pa miescy žycharstva ŭ suviazi z pamiłavańniem.
Uładzimir Chamičenka (źleva) vioŭ siabie na Płoščy vielmi niajasna. Viadoma, što jon sirata i biesprytulny čałaviek.
Nahadajem, astatnija vosiem astatnich pamiłavanych — Parfiankoŭ, Jaromienak, Macukievič, Drozd, Kazakoŭ, Hrybkoŭ, Sakret, Kviatkievič.
U časie śledstva Chamičenku mnohija błohiery nazyvajuć pravakataram. Jon vyjšaŭ z turmy za dva tydni da Płoščy. Čałaviek sa śpiecyfičnaj psichikaj i ałkahalizmam, jaki nikoli nie byŭ u apazicyi, ale apynuŭsia ŭ liku tych, chto pieršymi pačaŭ łamać dźviery Doma ŭrada. Jon atrymaŭ u błohieraŭ mianušku «Navušnik», bo časta padnosiŭ da vucha rukaŭ — tak, nibyta ŭ im byŭ srodak suviazi. Mnohija ličyli, što hetym čałaviekam manipulavali śpiecsłužby.
