U ZŠA składzieny rejtynh samych jakasnych aŭtamabilaŭ 6

Najvyšejšyja bały ŭ rejtynhu «Ahulnaha pakazčyka jakaści», što skłała kampanija Strategic Vision z San-Dyjeha, atrymali aŭtamabili marak Ford, Honda i Volkswagen.

Pry składańni rejtynhu «Ahulnaha pakazčyka jakaści» było apytana 37069 amierykancaŭ, jakija ź vieraśnia pa śniežań 2010 hoda nabyli novyja aŭtamabili.

Respandentaŭ prasili acanić svaje mašyny z momantu pakupki i na praciahu vykarystańnia pa takich pakazčykach, jak kiravalnaść, dynamika, źniešni vyhlad i dyzajn, kamfartabielnaść, erhanomika i inšyja. Na dumku daśledčykaŭ, taki padychod značna lepš aceńvaje jakaść aŭtamabila, čym prosty padlik kolkaści prablem, jakija ŭźnikajuć pry ekspłuatacyi mašyny, choć ich najaŭnaść taksama ŭličvałasia pry vyviadzieńni kančatkovaha vyniku.

Lideram pa kolkaści madelaŭ, jakija atrymali najvyšejšyja bały ŭ rejtynhu «Ahulnaha pakazčyka jakaści», stała kampanija Ford — piać madelaŭ hetaha brenda zaniali pieršaje miesca ŭ svaich siehmientach. Niahledziačy na toje, što ŭładalniki «Fordaŭ» časta skardzilisia na infarmacyjna-zabaŭlalnuju multymiedyjnuju sistemu Sync, ahulnaja adznaka vonkavaha vyhladu, kamfartabielnaści, interjera, vyhody kiravańnia i inšych jakaściaŭ mašyny akazvałasia vysokaj. Druhoje miesca pa kolkaści pieramožcaŭ zaniała Honda (čatyry madeli), treciaje — Volkswagen (try madeli).

Pavodle atrymanych vynikach, najvyšejšyja acenki ŭ svaich katehoryjach atrymali: Honda Civic Hybrid (Ahulny pakazčyk jakaści — 881 bał), Volkswagen Golf (871), Volkswagen Jetta Sedan (876), Hyundai Sonata (876), Honda Accord Crosstour (889), Nissan Maxima (888), Mercedes-BenzC-Class (903), Jaguar XJ (929), Dodge Challenger (901),

kupe Ford Mustang (899), kupe BMW 1-Series (917), kabryjalet Ford Mustang (905), kabryjalet Mercedes-BenzE-Class (919), Honda Odyssey (860), Volkswagen Tiguan (880), Ford Flex (886), Jeep Grand Cherokee (877), Toyota Sequoia (916), Land Rover Discovery (923), BMW X6 (909), Honda Ridgeline (864), Ford F-150 (906), Ford F-250/350 (885).

Pa vynikach 2010 hoda marka Ford zaniała pieršaje miesca ŭ rejtynhu łajalnaści. Amal 60 adsotkaŭ uładalnikaŭ «Fordaŭ» vyrašyli ŭ 2010 hodzie nabyć novuju mašynu toj ža marki. Pry hetym u rejtynhu zadavolenaści kiroŭcaŭ svaimi aŭtamabilami, składzienym amierykanskaj kampanijaj J. D. Power and Associates ŭ lipieni minułaha hoda, marka Ford apynułasia tolki na 16-m miescy, a pieršaje zaniaŭ brend Porsche.

Lenta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH