Asudžanym za ŭčarašniuju akcyju «Stop-bienzin» užo źbirajuć hrošy na štrafy 6

Pačaŭsia zbor srodkaŭ dla apłaty štrafaŭ udzielnikam učarašniaj akcyi «Stop-bienzin».

Na sajcie arhanizataraŭ źjaŭlajecca infarmacyja, jakim čynam možna pieraličyć hrošy. Abmierkavańnie akazańnia dapamohi idzie i ŭ supołcy «Stop-bienzin» u sacyjalnaj sietcy vkontaktie. Na 9 červienia zapłanavanaja taksama asabistaja sustreča arhanizataraŭ z usimi achvotnymi padtrymać hrašova zatrymanych aŭtaamataraŭ.

Dapamahčy možna źviarnuŭšysia pa telefonie (+375 25) 630 44 74, WebMoney Transfer z WM-idetyfikataram WMID: 928408766738,

rachunak u BLR — B788559968772, rachunak u EURO — E166456855047, rachunak ŭ rasijskich rublach — R157981413852, u amierykanskich dalarach — Z302156402233.

Žadajučych paŭdzielničać u vypłacie štrafaŭ vielmi šmat. Forumy bujniejšych niezaležnych infarmacyjnych resursaŭ litaralna zabityja padobnymi prapanovami. «Treba arhanizavać zbor hrošaj, kab kampiensavać, jak tamu chłopcu, što zastupiŭsia za bieźbiletnika pierad milicyjaj», piša na forumie nn.by karystalnik Zmicier.

Nahadajem, što štrafy atrymali ŭžo Źmicier Kavałhin — 20 bazavych vieličyń (700 tysiač rubloŭ) pavodle č.1 art 2334 APK RB za «ŭdzieł u niesankcyjanavanym pikietavańni» (sudziŭ jaho sudździa Jasianovič Ł.F.), Alesia Makaś i A.Redźkin — aštrafavanyja na 15 bazavych (525 tysiač rubloŭ), Pavieł Hruździłovič — na 700 tys. rubloŭ (20 bazavych), suma štrafu I.Prybylskaha pakul nieviadomaja.

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH