193 minskija pradpryjemstvy hatovy ŭziać na pracu na letni pieryjad školnikaŭ i studentaŭ 2

193 minskija pradpryjemstvy paćvierdzili słužbie zaniataści Minharvykankama svaju hatoŭnaść uziać na pracu na letni pieryjad školnikaŭ i studentaŭ.

Pra heta na pres-kanfierencyi 1 červienia paviedamiła načalnik adździeła arhanizacyi i sadziejańnia zaniataści ŭpraŭleńnia zaniataści Minharvykankama Ała Pučko.

Razam z tym jana adznačyła, što hałoŭnym čynam prapanoŭvajecca niekvalifikavanaja praca, padsobnaja praca, «zialonaje» budaŭnictva, uborka i da t.p.

Jana taksama paviedamiła, što z metaj pracaŭładkavańnia niepaŭnaletnich zaklučany dahavory z upraŭleńniami adukacyi, centrami pazaškolnaj pracy, navučalna-vytvorčymi kambinatami. Pavodle infarmacyi pradstaŭnika słužby zaniataści horada, z pačatku hoda pracaŭładkavana 745 školnikaŭ i studentaŭ, ź jakich 714 — vučni 9-ch i 11-ch kłasaŭ. Na realizacyju prahramy maładziožnaj zaniataści zraschodavana bolš za 80 młn. rubloŭ.

Sioleta budzie arhanizavana praca bolš čym 300 studenckich atradaŭ, jakija buduć pracavać na 143 abjektach horada, hałoŭnym čynam — na budoŭlach. U atradach budzie zaniata bolš za 20 tysiač studentaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH