Jaho vinavaciać u niametavym vykarystańni 300 miljonaŭ rubloŭ.
Dyzajnier Saša Varłamaŭ. Fota Udf.by
Suprać viadomaha biełaruskaha madeljera Sašy Varłamava raspačali kryminalnuju spravu. Pra heta paviedamlajecca na sajcie Ministerstva ŭnutranych spraŭ. «Hałoŭnym śledčym upraŭleńniem papiaredniaha rasśledavańnia MUS raspačataja kryminalnaja sprava ŭ dačynieńni da mastackaha kiraŭnika Centra maładziožnaj mody Biełaruskaha dziaržaŭnaha ŭniviersiteta Varłamava A.Ł. pa prykmietach składu złačynstva, praduhledžanaha č.2 art. 426 (pieravyšeńnie słužbovych paŭnamoctvaŭ) KK Respubliki Biełaruś», — havorycca ŭ paviedamleńni MUS. — «Padstavaj dla zaviadzieńnia spravy źjavilisia materyjały pravierki HUUS Minharvykankama, jakaja ŭstanaviła fakty sistematyčnaha prysvajeńnia i vykarystańnia nie pa pryznačeńni Varłamavym A.Ł. ŭ 2007-2010 hh. hrašovych srodkaŭ u sumie zvyš 300 młn rubloŭ, jakija pryznačalisia dla vydačy ŭ vyhladzie kamandzirovačnych vydatkaŭ členam delehacyj, jakija ŭdzielničali ŭ praviadzieńni pakazaŭ za miežami Biełarusi ŭ ramkach fiestyvalu “Młyn mody”».
Abvinavačvańni na adras Varłamava źjavilisia nieŭzabavie paśla jahonych vostrych zajavaŭ u presie, u tym liku dziaržaŭnaj. Arhanizatar konkursu «Młyn mody» zajaviŭ, što nie zarabiŭ ni kapiejki, pracujučy nad hetym prajektam hadami. Dyzajnier źviartaŭsia da Łukašenki z prośbaj nie začyniać konkurs.
