Viadomy błohier byŭ pakarany za «abrazu» staršyni Sajuza piśmieńnikaŭ Biełarusi hienierała Mikałaja Čarhinca.
Lipkovič u sudzie. Fota «Salidarnaść»
Pieršamajski sud stalicy 17 maja prysudziŭ viadomamu błohieru Jaŭhienu Lipkoviču štraf — 525 tysiač rubloŭ — za «abrazu» staršyni Sajuza piśmieńnikaŭ Biełarusi hienierała Mikałaja Čarhinca. Nahadajem, Jaŭhien Lipkovič 19 sakavika sioleta spaliŭ u minskim Sievastopalskim parku knihu Čarhinca «Tajamnica avalnaha kabinieta». U hetaj knizie błohiera źbiantežyli sceny eratyčnaha i navat parnahrafičnaha źmiestu. U staličnaj Centralnaj kniharni zhadanaja kniha Mikałaja Čarhinca kaštuje 11700 rubloŭ. Atrymlivajecca, što Lipkoviča aštrafavali na 45 knih hienierała-litaratara. Adznačym, što sam Čarhiniec u sud nie źjaviŭsia, dasłaŭšy tudy svajho pradstaŭnika. Jak paviedamiŭ Jaŭhien Lipkovič, jon budzie abskardžvać prysud.
Uvaha! Nie rekamiendujecca da prahladu niepaŭnaletnim!