Pavodle słoŭ Šuškieviča, jaho vyklikali ŭ prakuraturu jašče 5 maja, adnak pozvu jon atrymaŭ tolki praz 10 dzion. «Akramia taho, mnie patelefanavaŭ niejki "Šerłak Chołms" i zajaviŭ, što mianie vyklikajuć śviedkaj pa spravie ab vybuchu ŭ minskim mietro 11 krasavika hetaha hoda. U adkaz ja zajaviŭ, što ŭ hety dzień byŭ u Brusieli, u Jeŭraparłamiencie, i mnie ciažka štości śviedčyć adnosna vybuchu. Zrazumieła, hety adkaz jaho niekalki pakryŭdziŭ», — skazaŭ Šuškievič.
Potym jamu patelefanavaŭ «bolš razumny» čałaviek, jaki zaprasiŭ jaho na hutarku ŭ suviazi z vykazvańniami palityka ŭ internecie. «Ja naohuł nie viedaju, što pra mianie piša internet, mnie telefanujuć žurnalisty — ja daju kamientaryi. Tamu nie viedaju, pra što ŭ mianie buduć pytacca», — adznačyŭ Šuškievič.
Pieršapačatkova palityk źbiraŭsia pryjści u prakuraturu 17 maja. «Adnak u mianie ŭźnikli terminovyja spravy, i my damovilisia, što ja źjaŭlusia ŭ prakuraturu 18 maja, z advakatam», — skazaŭ Šuškievič.
