Nacbank: Abmieńniki abaviazany pradavać usio toje, što ludzi zdajuć 3

Abmiennyja punkty bankaŭ pavinny ŭ abaviazkovym paradku ažyćciaŭlać jak kuplu, tak i prodaž najaŭnaj zamiežnaj valuty. Takija tłumačeńni źmiaščajucca ŭ liście Nacyjanalnaha banka, nakiravanym siońnia ŭ biełaruskija banki.

Pa najaŭnaj u Nacyjanalnaha banka infarmacyi, u ciapierašni čas šerah abmiennych punktaŭ (kas) upaŭnavažanych bankaŭ ažyćciaŭlajuć tolki nabyćcio najaŭnaj zamiežnaj valuty ŭ fizičnych asob bieź jaje dalejšaj prodažu, što parušaje patrabavańni punkta 4 Praviłaŭ ažyćciaŭleńnia valutna-abmiennych apieracyj z udziełam fizičnych asob, zaćvierdžanych pastanovaj praŭleńnia Nacyjanalnaha banka Biełarusi ad 28 červienia 2001 hodu № 170. Zhodna z hetym dakumientam abmiennyja punkty (kasy) upaŭnavažanych bankaŭ u abaviazkovym paradku pavinny ažyćciaŭlać i kuplu, i prodaž najaŭnaj zamiežnaj valuty z apłataj u najaŭnych biełaruskich rublach, kali inšaje nie dazvolena Nacyjanalnym bankam.

U liście adznačajecca, što zhodna z punktam 26 hetych praviłaŭ kasir nie maje prava admović u prodažy fizičnaj asobie najaŭnaj zamiežnaj valuty, jakaja znachodzicca ŭ abmiennym punkcie (kasie), atrymanaj dla prodažu ŭ jakaści avansu abo padmacavańnia, a taksama nabytaj na praciahu pracoŭnaha dnia, kali inšaje nie vyznačana Nacyjanalnym bankam.

U vypadku nievykanańnia danych patrabavańniaŭ da bankaŭ buduć užytyja žorstkija miery, až da prypynieńnia licenzijnych paŭnamoctvaŭ u častcy praviadzieńnia valutna-abmiennych apieracyj.

0

0

0

0

0

0

BIEŁTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH