Nacyjanalny bank Biełarusi apublikavaŭ pašyranuju spravazdaču nakont stanu zołatavalutnych reziervaŭ na 1 krasavika 2011 hoda. Jak učora paviedamlała nn.by, pavodle aficyjnaj infarmacyi zołatavalutnyja reziervy ŭpali ŭsiaho na $262,3 miljona. Janyi apuścilisia da pakazčyku $3761,3 miljona.
Asnoŭnaj pryčynaj źnižeńnia abjomu zołatavalutnych reziervaŭ u sakaviku Nacbank nazvaŭ vysoki popyt na zamiežnuju valutu z boku nasielnictva. Za minuły miesiac čystaja kupla nasielnictvam zamiežnaj valuty (najaŭnaj i bieznajaŭnaj) skłała $768,1 miljona. Heta roźnica pamiž kuplaj i prodažam.
Ale jak vyjaviłasia ciapier, reziervy ŭ valucie niahledziačy ni na što vyraśli!
Nacbank śviedčyć, što aktyvy pavialičylisia na $56 miljonaŭ i dasiahnuli $1337,5 miljona.
Vyras i abjom manietarnaha zołata (na $140 miljonaŭ), choć u hałoŭnym ofisie Nacbanka raskupili ŭsie źlitki.
Paru dzion tamu Prakapovič davodziŭ, što jamu daviałosia dastać z zołatavalutnych reziervaŭ sotni miljonaŭ dalaraŭ, kab zadavolić popyt nasielnictva. Chto manić, statystyka ci Hieroj Biełarusi?
