Kamanda Lavona Volskaha vypraŭlajecca ŭ tur pa Biełarusi, kab syhrać prahramu na vieršy biełaruskich kłasikaŭ i svaje lepšyja pieśni. Śpiavak zabaronaŭ nie baicca i navat spadziajecca na padtrymku BRSM.
Śpiavak vyrašyŭ pakazać svaju solnuju prahramu «Biełaja jabłynia hromu» va ŭsich abłasnych centrach. Pačynajeca biełaruski tur Volskaha i kampanii z Hrodna i Bresta. Vykanaŭca peŭny ŭ tym, što kancerty projduć bieź pieraškodaŭ: «Niaŭžo niechta nadumaje zabaranić kłasiku biełaruskaj paezii. My naadvarot spadziajemsia, što nastaŭniki škołaŭ paviaduć svaich vučniaŭ na naš vystup, a piarvičnaja supołka BRSM budzie aktyŭna raspaŭsiudžvać kvitki».
U prahramu «Biełaja jabłynia hromu» ŭvachodzić 14 piesień na vieršy Janki Kupały, Franciška Bahuševiča, Maksima Bahdanoviča, Uładzimira Karatkieviča dy inšych«Našy vystupy z „Biełaj jabłyniaj…“ — heta humanitarnaja dapamoha biełaruskamu narodu. My imkniemsia zacikavić ludziej biełaruskaj movaj i litaraturaj, bo ciapier hety pradmiet u škołach vykładajecca zusim nie na naležnym uzroŭni i faktyčna zaličany da nieabaviazkovych», — kaža Lavon Volski.paetaŭ-kłasikaŭ .
Pieršyja kancerty Volskaha adbuducca ŭ Hrodna (25 krasavika) i Breście (28 krasavika).Paśla muzyki źbirajucca naviedacca ŭ kožny abłasny horad, a taksama ŭ šerah bujnych haradoŭ, jak Baranavičy, Žłobin dy inšyja. Akrom piesień z «Biełaj jabłyni» vykanaŭca źbirajecca zajhrać svaje lepšyja pieśni z roznych muzyčnych prajektaŭ.
Lavon navat nie dapuskaje taho, što pravieści vystupy mohuć pieraškodzić miascovyja ŭłady. U takim razie, na mierkavańnie vykanaŭcy, pad zabaronu traplaje navat nie jon razam z kamandaj, a biełaruskaja litaratura.
0
0
0
0
0
0
