Palitviaźniaŭ padzialili na kiepskich i horšych dapoŭniena 50

Cełamu šerahu apazicyjnych palitykaŭ istotna źmiakčyli abvinavačvańni.

Pra heta paviedamili ŭ Ministerstvie unutranych spravaŭ.

U lik «źmiakčanych» trapili Uładzimir Niaklajeŭ, Alaksandr Fiaduta, Andrej Dźmitryjeŭ, Siarhiej Vaźniak, Vital Rymašeŭski, Nasta Pałažanka.

Usie jany ciapier stali abvinavačvacca nie ŭ arhanizacyi masavych biesparadkaŭ, a ŭ padrychtoŭcy dziejańniaŭ, što hruba parušajuć hramadski paradak, i aktyŭnym udziele ŭ ich.

Kali pa pieršym abvinavačvańni za kratami jany mahli apynucca terminam da 15 hadoŭ, to ciapier im pahražaje nie bolš za try, ale ŭsio moža abyścisia štrafam ci «chimijaj». Pa artykule 342 sudzili ŭdzielnikaŭ «Pracesu čatyrnaccaci». Usie jany tady atrymali ŭ pakarańnie «chatniuju chimiju».

Cikava, što ŭ śpis «nie takich kiepskich» nie trapiŭ nivodzin ź viaźniaŭ, što admaŭlajucca davać pakazańni, — Pavieł Sieviaryniec, Źmicier Bandarenka, Mikoła Statkievič, Anatol Labiedźka.

Jak piša blizkaje da łukašenkaŭcaŭ ahienctva «Interfaks-Zachad» sa spasyłkaj na pres-słužbu MUS, śledstva ŭstanaviła, što «dziejańni nazvanych asob [jakim było źmiakčana abvinavačvańnie] byli nakiravanyja na pryciahnieńnie pry padtrymcy i finansavańni zamiežnych fondaŭ biełaruskich hramadzian da ŭdziełu ŭ niezakonnych masavych mierapryjemstvach, jakija hruba parušajuć hramadski paradak, z metaj stvareńnia štučnaj padstavy dla niepryznańnia vynikaŭ vybaraŭ prezidenta Respubliki Biełaruś dziaržavami Jeŭrapiejskaha sajuza, ZŠA i Rasijskaj Fiederacyi i ŭviadzieńnia ź ich boku ekanamičnych i palityčnych sankcyj jak sposabu cisku na aficyjnuju ŭładu ŭ našaj krainie».

Ź pierakvalifikavanych tolki Fiaduta praciahvaje znachodzicca ŭ «amierykancy», a Niaklajeŭ — pad chatnim aryštam. Astatnija vyzvalenyja pad padpisku ab niavyjeździe.

Usie lidary «Havary praŭdu» trapili ŭ śpis «lepšych».

Źmicier Pankaviec

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH