Aktyvisty «Havary praŭdu» zładzili pikiet pad voknami Niaklajeva 6
Pad voknami kvatery Niaklajeva jany razharnuli bieł-čyrvona-bieły ściah i pačali skandavać łozunhi «Svabodu Niaklajevu!».
Troje aktyvistaŭ kampanii «Havary praŭdu» pryjšli 11 sakavika da doma pa vulicy Vielikamorskaj, 30, dzie ŭtrymlivajecca pad chatnim aryštam Uładzimir Niaklajeŭ.
Pad voknami kvatery Niaklajeva jany razharnuli bieł-čyrvona-bieły ściah i pačali skandavać łozunhi «Svabodu Niaklajevu!», «Žyvie Biełaruś!», «Paeta nie złamać!», «Prakopavič, my vas lubim!», «Havorym praŭdu!», «Chutka kaniec pryjdzie hetamu hieta, kali dyktatura baicca paeta!»,«Ruki my svaje nie skłali. Vy trymajciesia, my — z vami!» i inšyja.
Udzielniki akcyi patłumačyli, što jaje meta — salidarnaść, padtrymka lidara kampanii Uładzimira Niaklajeva. Adzin z aktyvistaŭ Jaŭhien Korsak skazaŭ, što Niaklajevu nielha padychodzić da voknaŭ, ale «my spadziajomsia, što jon nas pačuje, što kampanija «Havary praŭdu» praciahvajecca».
Akcyja ciahnułasia niekalki chvilinaŭ. Milicejskaja mašyna prajechała pa vulicy, kali jaje ŭdzielniki ŭžo syšli. Nikoha z aktyvistaŭ nie zatrymali.
