6 lutaha ŭ Minskim dziaržaŭnym pałacy dziaciej i moładzi adbyŭsia viečar pravasłaŭnaj moładzi «Zimovy bal u dzień śviatoj Ksienii Pieciarburhskaj»,
arhanizavany Maładziožnym centram u honar najpadobnaha Sierafima Saroŭskaha i Minskim dziaržaŭnym pałacam dziaciej i moładzi pry padtrymcy Abjadnańnia moładzi Biełaruskaj pravasłaŭnaj carkvy.
Sioleta bal byŭ prymierkavany da dnia pamiaci błažennych Ksienii Pieciarburhskaj i Valanciny Minskaj.
Padobnaje mierapryjemstva pravodzicca ŭ treci raz. Jano nakiravana na arhanizacyju alternatyŭnaha sučasnaj masavaj kłubnaj kultury volnaha času moładzi, znajomstva pravasłaŭnych maładych ludziej z roznych haradoŭ Biełarusi, a taksama na papularyzacyju kultury adnosin, majsterstva znosin praz adradžeńnie balaŭ i znajomstva z balnaj kulturaj i tancavalnymi tradycyjami roznych narodaŭ.
Udzielnikami ciapierašniaha balu stali kala 100 tancavalnych par ź Minska, Bresta, Homiela, Babrujska, Hrodna, Kobryna.
Prahrama balu ŭklučała try tancavalnyja adździaleńni: «Ruskija siezony», «Pramienad pa Zachodniaj Jeŭropie», «Tancy narodaŭ śvietu».