RUP «Biełtelekam» praciahnie palityku źnižeńnia taryfaŭ, u tym liku na dostup u internet. Ab hetym paviedamiŭ 26 studzienia napres-kanfierencyi hienieralny dyrektar nacyjanalnaha apieratara elektrasuviazi Kanstancin Cikar.
«Kaniešnie, taryfy buduć źnižacca. Zachavajem my hetyja tempy ci nie, ale tendencyja budzie — heta stopracentna», — zapeŭniŭ Cikar.
«Siońnia košt dostupu ŭ internet — heta ŭžo mienš aktualny biźnies. Siońnia treba ruchacca ŭ bok kantentu, kab ludzi kuplali nie prosta dostup, a kab jany kuplali pasłuhi na bazie hetaha dostupu. U pryvatnaści, naprykład, IPTV — častka hetaha kantentu», — skazaŭ kiraŭnik «Biełtelekama».
Jon padkreśliŭ, što za piać hadoŭ mnohija taryfy byli źnižany ŭ dziasiatki i sotni razoŭ. «Ja liču, što na siońnia jany stali dastatkova dastupnymi jak dla nasielnictva, tak i dla jurydyčnych asob», — dadaŭ Cikar.
***
Pa vynikach 2010 hoda kampanija maje 750 tysiač abanientaŭ šyrokapałosnaha dostupu ŭ internet byfly (rost 350 tysiač u 2010 hodzie). Na asnovie isnujučaj sietkavaj infrastruktury «Biełtelekam» paśpiachova startavaŭ ź pieršym ličbavym interaktyŭnym telebačańniem ZALA i z 2008 hoda padklučyŭ 220 tysiač abanientaŭ (rost 160 tysiač u 2010 hodzie) pa ŭsioj krainie.
«Biełtelekam» za 2011–2015 hady płanuje pavialičyć abanienckuju bazu karystalnikaŭ vysakachutkasnaha dostupu ŭ internet da 2,2 młn., vykarystoŭvajučy fiksavany i biespravadny vidy dostupu.
«Biełtelekam» byŭ stvorany 3 lipienia 1995 hoda. Źjaŭlajecca pieršasnym