Studenty BNTU atrymali niečakanuju prapanovu ad kiraŭnictva ŭniviersiteta: z 14 śniežnia (dzień pačatku daterminovaha hałasavańnia), jany mohuć prahałasavać daterminova i atrymać «niezapłanavanyja vakacyi» da 20 śniežnia.
Studenty fakulteta markietynhu i mieniedžmientu raskazvajuć, što na ahulnym schodzie im prapanavali nastupnaje: kali daterminova prahałasuješ
A voś enierhietyčny fakultet, pa słovach studentaŭ, uvohule adpuściŭ usich da 20 śniežnia:
— Kab my mahli jak śled padumać kali i za kaho prahałasavać.
Chacia aficyjna vučoba praciahvajecca — u dekanacie nam na pytańnie: «A ci vučymsia my hety tydzień?», adkazali, što kaniešnie ž, vučymsia, čamu pavinna być inakš?
Na fakultecie markietynhu nie adkazali ničoha kankretnaha. Tym časam pašyrajucca čutki, što i internaty BNTU zakryjuć na vychodnyja «z nahody vybaraŭ», ale ŭ internatach hetuju infarmacyju nie paćvierdzili, chacia stoadsotkavaj harantyi heta nie daje. Varta zaŭvažyć, što hałasavać za kankretnych kandydataŭ — nichto nie zaklikaje, usio adno za kaho, ale, pažadana, daterminova.
«NN» źviarnułasia da pravaabaroncy Valancina Stefanoviča, kab daviedacca, nakolki zakonnymi možna ličyć «niečakanyja vakacyi».
— Nasamreč, u arhanizacyi «pieradvybarčych» vakacyj ničoha strašnaha niama. Tut hałoŭnaje, kab nie było cisku na studentaŭ — kali ŭžo vakacyi, dyk jany pavinny być dla ŭsich, a nie tolki dla tych, chto prahałasavaŭ daterminova.
Absalutna niezakonna, kali ad studentaŭ patrabujuć dokazy hałasavańnia — naprykład, papierku ad vybarčaj kamisii, dzie było b paznačana, što hety čałaviek prahałasavaŭ.
Voś takoha płanu cisk i źjaŭlajecca hałoŭnaj prablemaj.
