Ramančuk vystupić pa TB, Niaklajeŭ i Kastusioŭ praviaduć sustrečy ŭ rehijonach

Jarasłaŭ Ramančuk 2 śniežnia vystupić pa telebačańni, Uładzimir Niaklajeŭ i Ryhor Kastusioŭ praviaduć sustrečy ŭ rehijonach, Andrej Sańnikaŭ zapiša vystupleńnie na radyjo, paviedamili ŭ štabach kandydataŭ u prezidenty.

Pavodle infarmacyi kiraŭnika pres-hrupy kandydata ŭ prezidenty ad Abjadnanaj hramadzianskaj partyi Jarasłava Ramančuka Hanny Krasulinaj, Ramančuk praviadzie rabočyja sustrečy ŭ štabie i padrychtujecca da vystupleńnia pa telebačańni. Vystupleńnie budzie pakazana na Pieršym kanale z 19.30 da 20.00 u pramym efiry.

Uładzimir Niaklajeŭ praciahvaje pajezdki pa Mahiloŭskaj vobłaści.

Z 14.00 da 17.00 u jaho zapłanavana sustreča z vybarščykami ŭ Babrujskim centry tvorčaści dziaciej i moładzi, z 18.00 da 21.00 — va ŭstanovie «Siektar Mahiloŭskaha centra kultury i volnaha času» na stancyi Asipovičy (DK čyhunačnikaŭ), paviedamiła pres-sakratar Niaklajeva Julija Rymašeŭskaja.

Kandydat u prezidenty ad Partyi BNF Ryhor Kastusioŭ praviadzie schod u Łahojskim rajonnym domie kultury (Minskaja vobłaść), pačatak u 18.00.

Kandydat u prezidenty ad arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski 2 śniežnia ŭ Brusieli sustrakajecca ź jeŭrapiejskimi parłamientaryjami. U hety dzień kiraŭnik jaho vybarčaha štaba Pavieł Sieviaryniec praviadzie sustrečy z vybarščykami Połacka, Navapołacka i Dzisny (Viciebskaja vobłaść).

U Andreja Sańnikava na 2 śniežnia zapłanavana sustreča z žurnalistami i zapis radyjovystupleńnia. Jaho davieranyja asoby — pieršy ministr abarony niezaležnaj Biełarusi hienierał-pałkoŭnik Pavieł Kazłoŭski i pradstaŭnik Sańnikava ŭ CVK Juryj Chadyka — sustrenucca z vybarščykami ŭ DK AAT «MNPZ» u Mazyry (Homielskaja vobłaść), pačatak u 17.30, paviedamiŭ pres-sakratar kandydata Alaksandr Atroščankaŭ.

0

0

0

0

0

0

Siarhiej Pulša, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH