Kalandar Pirelli 2011: bahini z Apałonami dadalisia novyja foty 9

Fotazdymki dla jaho ŭ hetym hodzie rabiŭ znakamity niamiecki madeljer Karł Łahierfield.

Kalandar pad nazvaj «Mythology» składajecca z 36 fotazdymkaŭ, vykananych u čorna-biełaj hamie. Hałoŭnaj temaj kalendara stała lubimaja tema dyzajniera — hreka-rymskaja mifałohija. Vobrazy staražytnych bahoŭ uvasobilisia ŭ 20 madelach, siarod jakich Bjanka Bałtyi, Eliza Siednaui, Frej Biecha Erychsen, Izabel Fantana i aktorka Džulijan Mur.

Zdymki prachodzili ŭ paryžskaj studyi Łahierfielda. Usie pradmiety i ŭpryhožańni, jakija vykarystoŭvajucca ŭ fotazdymkach, byli stvorany admysłova dla kalendara.

Kalandar «Pirelli» źjaŭlajecca adnym ź simvałaŭ raskošy. Štohod da pracy nad im zaprašajucca samyja viadomyja dyzajniery, fatohrafy i madeli. Zasnavany ŭ 1964 h. Z 1975 pa 1983 hod nie vydavaŭsia praz suśvietny finansavy kryzis. Raspaŭsiudžvajecca hałoŭnym čynam siarod ekskluziŭnych klijentaŭ kampanii «Pirelli» — adnaho z samych bujnych vytvorcaŭ aŭtamabilnych pakryšak. Asobnyja ekzemplary dasyłajucca taksama suśvietnym lidaram i vybitnym asobam.

Nabyć kalandar niemahčyma.

AP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH