Ad niadzieli skandalna viadomy sajt Wikileaks vykładvaje ŭ ahulny dostup sakretnyja dakumienty amierykanskaha Dziarždepa. Usiaho maje być vykładziena kala čverci miljona dakumientaŭ, ź ich amal dźvie tysiačy buduć datyčyć Biełarusi.
U paniadziełak u internecie źjaviłasia spravazdača supracoŭnika pasolstva ZŠA ŭ Maskvie, u katoraj apisvajecca situacyja z pastaŭkami samalotaŭ «Boinh» u Biełaruś i Kazachstan. «Urad RF, jak paviedamlałasia, u biahučym hodzie (2010) zapatrabavaŭ, kab Biełaruś i Kazachstan, nabyvajučy abo bieručy ŭ lizinh zamiežnuju avijatechniku, užyvali rasijski taryf. Jak vynik, avijakampanii krain MS (Mytny Sajuz) pavinny buduć vypłačvać pošlinu za ŭsiu novuju avijatechniku, jakaja nie traplaje pad vyklučeńni. Aproč hetaha urad RF zapatrabavaŭ, kab nijakija novyja vyklučeńni nie ŭžyvalisia paśla 20 lipienia 2010, kali ŭzhodnieny zbor taryfaŭ ŭnutry MS pavinien ustupić u siłu. U vypadku ŭviadzieńnia, novaja pošlina na impart zamiežnaj avijatechniki paciahnie surjoznyja nastupstvy dla pastavak «Boinham» svaich samalotaŭ u Biełaruś i Kazachstan. Na «Aerobus», dziakujučy damovie ab vyzvaleńni ad pošlin, zaklučanaj u 2009 h., hetyja novyja praviły raspaŭsiudžvacca, miarkujučy pa ŭsim, nie buduć va ŭsich troch krainach», — paviedamlaŭ u Vašynhton amierykanski dypłamat.
Takija ŭmovy, faktyčna, zakryvajuć karparacyi «Boinh» dźviery na rynak Biełarusi.
Heta tolki pieršy datyčny našaj krainy dakumient, vykładzieny na Wikileaks. Na praciahu bližejšych dvuch miescaŭ majuć źjavicca nastupnyja.
