«Dziaržava budzie značna bolš uvahi nadavać hramadskim abjadnańniam i partyjam», — z takoju dvuchsensoŭnaju zajavaj vystupiŭ Alaksandr Łukašenka 16 vieraśnia na šostym źjeździe Fiederacyi prafsajuzaŭ Biełarusi.
Pra siabie jon havaryŭ u pieršaj asobie množnaha liku: «Kali nam narod i Haspodź dazvolać pracavać u adpaviednych jakaściach, u novaj piacihodcy my budziem mieć adnosiny značna bolšyja», — cytuje zvarot Łukašenki da prysutnych na źjeździe jahonajapres-słužba .
Kiraŭnik dziaržavy taksama nazvaŭ adnym ź vialikich niedachopaŭ svajoj pracy toje, što raniej jon nadavaŭ hetamu pytańniu mienš uvahi.
Jon paŭtaryŭ svoj raniejšy tezis ab tym, što saviety, prafsajuzy, maładziožnyja, vieteranskija, žanočyja arhanizacyi — h.zn. kantralavanyja dziaržavaj struktury — jość «asnovaj hramadzianskaj supolnaści».«I niama čaho tut vydumlać i padkidvać nam tezisy
Pad stabilnaściu tut razumiejecca zachavańnie ŭłady łukašenkaŭskaj hrupoŭkaj.
U toj ža čas jon nie vyklučyŭ pierachodu da ŭzmacnieńnia partyjnaj sistemy, ale biez kankretnych terminaŭ: «Ja nie suprać partyjnaha budaŭnictva, narmalnych apazicyjnych partyj, nie suprać viadučaj peŭnaj partyi, ale heta pavinna vyznačyć samo žyćcio «,— skazaŭ kiraŭnik dziaržavy.
«U dalejšym my abaviazkova bolš uvahi nadadzim hramadskim arhanizacyjam i partyjam u płanie taho, što nam treba navieści, kali prosta havaryć, paradak u hetym i narmatyŭna, i arhanizacyjna», — padahulniŭ jon. Hetyja słovy možna traktavać i jak namier uzmacnić kantrol, i jak mahčymaść daść bolšuju prastoru dla dziejańnia dla prymalnych dla ŭłady arhanizacyj.