Kamunistyčny ŭrad Kuby abvieściŭ ab zvalnieńni sotniaŭ tysiačaŭ pracoŭnych. Taksama buduć źmienšanyja abmiežavańni dla pryvatnych pradpryjemstvŭ na pracaŭładkavańnie, kab dapamahčy zvolnienym znajści pracu.
Kubinskaja federacyja pracoŭnych — adziny prafsajuz u krainie — kaža, što 500 000 čałaviek buduć zvolnienyja na pačatku nastupnaha hodu.
Bolej jak 85% kubinskich pracoŭnych, a heta kala 5 miljonaŭ čałaviek, zaniatyja ŭ dziaržaŭnym sektary. Masavaje zvalnieńnie pracoŭnych źjaŭlajecca samaj važnaj reformaj paśla taho, jak Raŭl Kastra źmianiŭ na pasadzie prezydenta svajho brata Fidela. Rašeńnie ab skaračeńniach pracoŭnych dziaržaŭnaha sektara było abvieščana mieniej jak praz tydzień paśla cytavanaj zajavy Fidela Kastra, što kamunistyčnaja ekanomika Kuby bolš nie pracuje.
0
0
0
0
0
0
