Čatyry patencyjnyja kandydaty ŭ prezidenty praviali sustreču na Hrodzienščynie ŭ vioscy Bieršty.
Jaje zładzili lidar ruchu «Za Svabodu» Alaksandr Milinkievič, kandydat ad Partyi BNF Ryhor Kastusioŭ, niezaležny palityk Aleś Michalevič i pretendent ad Zialonych Juryj Hłušakoŭ.
Palityki abmierkavali palityčnuju i ekanamičnuju situacyju ŭ krainie. Jak raspavioŭ Ryhor Kastusioŭ, udzielniki sustrečy nie vybirali miž saboj adnaho pretendenta u prezidenty.
«Pamiž nami čatyrma ŭźnik davier adzin da adnaho. Vyrašyli sustrecca i parazmaŭlać. Sustreča skončyłasia paśpiachova. Prosta jość damoŭlenaść pra supracoŭnictva ŭ budučaj vybarčaj kampanii. Biez vyznačeńnia ahulnych pazicyj było ciažka. Ciapier my ich vyznačyli».
Padrabiaznyja vyniki sustrečy chavajucca ŭ sakrecie. Jak paviedamiŭ Aleś Michalevič, ich abvieściać na admysłovaj kanfierencyi pa miery raźvićcia padziejaŭ.
