Sajt Experty.by padvioŭ muzyčnyja vyniki pieršaha paŭhodździa.
Ekśpierty adznačyli albom «Ruch» hurtu «Dziecidziaciej». Dysk źjavisia ŭ mai, ale ŭžo ŭ červieni kamanda pajšła «ŭ biesterminovy adpačynak». A na dniach stała viadoma, što ŭdzielniki «Dziecidziaciej» arhanizavali dva novyja hurty — S*unduk i «Ili-Ili».
Siarod lideraŭ, pa mierkavańniach ekśpiertaŭ, — kamanda Hvarna z albomam «Koła viartańniaŭ», «Porna» Mauzer, Y.Y.Y. «Zialonaje zołata» i jaho trybjut «Vaśka Ž.Y.V.!», «Kancert u teatry» J:mors, «Kropka viartańnia» «Ściany», «Live In Poland» White Night Blues, «Fragile» Uładzimira Tkačenki i Ludmiły Kuc, «Ščaślivaja siamiorka» Viktara Šałkieviča.
Admietnaściami paŭhodździa ekśpierty nazvali pieravyšeńnie pa kolkaści biełaruskamoŭnych albomaŭ nad ruskamoŭnymi,
a taksama rost internet-relizaŭ. Ale na tryccać pracentaŭ skaraciłasia ličba vydadzienych albomaŭ.
U studzieni-lutym sajt padviadzie muzyčnyja vyniki ŭsiaho hoda. Tady projdzie ŭručeńnie premij pa roznych naminacyjach. Letaś hałoŭnym pieramožcam staŭ hurt The Toobes, jaki byŭ u lidarach i pa vynikach paŭhodździa.