Pazačarhovaja, piataja, siesija Pałaty pradstaŭnikoŭ Nacyjanalnaha schodu Biełarusi 7 vieraśnia pryniała ŭ pieršym čytańni zakonaprajekt «Ab respublikanskim biudžecie na 2011 hod». U druhim čytańni zakon płanujecca razhledzieć padčas druhoha pasiadžeńnia siesii 14 vieraśnia.
Napiaredadni prajekt asnoŭnaha finansavaha dakumienta krainy na nastupny hod pradstaviŭ na pašyranym pasiadžeńni kamisii Pałaty pradstaŭnikoŭ pa biudžecie, finansach i padatkovaj palitycy ministr finansaŭ Biełarusi Andrej Charkaviec. «U hetym hodzie my vychodzim na dakryzisnyja tempy raźvićcia biudžetnaha siektara», — zajaviŭ jon.
Dachody kansalidavanaha biudžetu krainy zapłanavany ŭ pamiery 54,5 trłn. rubloŭ, što składaje 118,1% da acenki dachodaŭ biudžetu hetaha hoda.
Struktura dachodaŭ biudžetu nie źviedała źmianieńniaŭ: 35% prychodzicca na PDK, 10% — na padatak na prybytak, 13% — dachody ad źniešnieekanamičnaj dziejnaści, prykładna 10% — akcyzy.
Raschody biudžetu płanujucca na ŭzroŭni 60,5 trłn. rubloŭ.
Jak paviedamiŭ Charkaviec, raschody novaha biudžetu sfarmiravany z ulikam takoha pryjarytetu, jak rost dachodaŭ nasielnictva, zaniataha ŭ biudžetnym siektary. «Zakładzienyja srodki dazvalajuć harantavać rost siaredniemiesiačnaj zarabotnaj płaty, stypiendyj, inšych vypłat u paraŭnańni ź biahučym hodam na 35%», — skazaŭ jon.
Bazavyja haliny sacyjalnaj śfiery — achova zdaroŭja, adukacyja, sacyjalnaja palityka — zabiaśpiečany biudžetnymi asihnavańniami z rostam da acenki biahučaha hoda adpaviedna na 36, 45 i 35%.
U cełym raschody na nacyjanalnuju ekanomiku krainy zapłanavany ŭ pamiery 7,2 trłn. rubloŭ.
Deficyt biudžetu na 2011 hod składzie 6 trłn. rubloŭ, ci 3% da VUP.
Nahadajem, pazačarhovaja siesija była sklikana pa prapanovie deputataŭ Pałaty pradstaŭnikoŭ. Jak zajaviŭ 30 červienia padčas apošniaha dnia viasnovaj siesii kiraŭnik parłamienckaj kamisii pa dziaržbudaŭnictvie, miascovym samakiravańni i rehłamiencie Vasil Bajkoŭ, razhlad pytańniaŭ ab biudžecie i kodeksach «daść mahčymaść arhanizacyjam i ludziam padrychtavacca da ŭvachodžańnia ŭ dziejańnie hetych
