Z Administracyi Łukašenki adkazu pakul niama.
U Lidskim rajvykankamie ahučyli novuju papiaredniuju datu praviadzieńnia śviata ŭradžaju — 24-26 vieraśnia. Raniej u presie źjaŭlałasia infarmacyja pra praviadzieńnie «Dažynak 2010» 17-19 vieraśnia. Paviedamlałasia, što 18 vieraśnia Lidu musiŭ naviedać Alaksandr Łukašenka. Jak patłumačyŭ «NN» namieśnik staršyni Lidskaha rajvykankama Anton Hłaŭnicki, i raniejšaja, i ciapierašniaja daty praviadzieńnia śviata ŭradžaju «Dažynak» papiarednija. Pa jaho słovach, pra pieranos śviatkavańnia na tydzień chadajničaŭ staršynia Hrodzienskaha abłvykankama Siamion Šapira. Pra pryčyny takoha rašeńnia Anton Tadevušavič nie viedaje. Adkazu z Administracyi Łukašenki pakul niama.
Zhodna aficyjnaj infarmacyi, da «Dažynak» u Lidzie abnavili i pabudavali kala 220 abjektaŭ. U horadzie źjavilisia novy praśpiekt, ladovy pałac, spartyŭny kompleks. Čyhunačny i aŭtobusny vakzały rekanstrujavali, adnavili Lidski zamak. U suviazi z pracami na apošnim u Lidzie razharelisia nie aby jakija žarści — nie ŭsie miascovyja žychary zachacieli mianiać abžytyja miescy. Usiaho na dobraŭparadkavańnie horada było vydatkavana bolš za Br350 młrd. Na śviatkavańnie ŭ cełym, pavodle roznych acenak, ź biudžetu vydzielili kala Br 485 młrd.
