Nabližajecca «Bardaŭskaja vosień 2010»

«Bardaŭskaja vosień» — fest, arhanizavany źviazam biełaruska moładzi (www.sonca.org), jaki imkniecca adlustravać sučasny aktualny stan biełaruskaj aŭtarskaj pieśni va ŭsich jaje prajavach, spałučajučy ŭ sabie šmat stylestyčnych nakiravanaściej. Siarod udzielniki fiestyvalu apošnich hadoŭ jak kłasičnyja bardy, tak i bluzmeny, rok-hurty ŭ akustyčnym varyjancie, folk-rok vykanaŭcy i šmat jašče jakija prajavy sučasnaj akustyčnaj biełaruskaj muzyki (Taćciana Biełanohaja, Aleś Kamocki, Viktar Šałkievič, Źmicier Vajciuškievič, Lavon Volski dy akustyčny NRM, Alaksandr Pamidoraŭ, Bosaje Sonca, Kasia Kamockaja, prajekt Narodny albom i h.d.).

U 2010 hodzie «Bardaŭskaja vosień» projdzie 17 raz. Ale pierad samim fiestyvalam, što adbudziecca ŭ Bielsku i Biełastoku (Polšča) u kastryčniku, naprykancy vieraśnia ŭ Miensku projdzie adboračny kancert na konkursnuju prahramu festa. Konkursnaja prahrama «Bardaŭskaj vosieni» daje mahčymaść kožnamu maładomu vykanaŭcu prajavić siabie, zrabić svoj uniosak u raźvićcio aŭtarskaj pieśni Biełarusi, zhraŭšy na adnoj scenie z zasłužanymi, stałymi biełaruskimi muzykami.

Uziać udzieł u adbory na konkursnuju prahramu «Bardaŭskaj vosieni» moža kožny vykanaŭca, albo akustyčny hurt, jaki vykonvaje aŭtarskuju biełaruskamoŭnuju muzyku. Dla ŭdziełu nieabchodna dasłać zajaŭku i svaje dema-zapisy na paštovuju skryniu [email protected] nie paźniej za 10 vieraśnia.

Pa vynikach adboračnaha kancertu lepšyja patrapiać u Polšču na sam fiestyval i pazmahajucca za hran pry «Bardaŭskaj vosieni 2010».

Adnaho z udzielnikaŭ konkursnaj prahramy fiestyvalu abiaruć u hetym hodzie naviedvalniki infarmacyjnaha partnera fiestyvalu — muzyčnaha partału «Tuzin hitoŭ», dzie budzie zarhanizavany hit-parad «Bardaŭskaj vosieni». Tam ža vy možacie zaŭždy znajści śviežuju infarmacyju datyčnuju fiestyvalnych padziejaŭ.

0

0

0

0

0

0