Na rekach Biełarusi ciapier adznačajecca ŭ asnoŭnym panižeńnie ŭzroŭniu vady z sutačnaj intensiŭnaściu 1—5 sm, paviedamlaje Respublikanski hidramieteacentr.
Na praciahu najbližejšaha tydnia, papiaredžvajuć hidrołahi, spad uzroŭniu vady, vyklikany haračym nadvorjem, praciahniecca. Na Zachodniaj Dźvinie kala horada Suraž i Pinie kala horada Pinsk uzroŭni vady nabliziacca da niebiaśpiečna nizkich adznak dla sudnachodstva.
Akramia taho, na Zachodniaj Dźvinie kala Viciebska, Dniapry kala Žłobina i Sožy kala Homiela ŭžo skłalisia ŭmovy, pry jakich uźnikajuć ciažkaści ŭ pracy račnoha transpartu.
Tempieratura vady ŭ vadajomach Biełarusi pavysiłasia i ciapier składaje: na rekach basiejnaŭ Zachodniaj Dźviny, Niomana, Vilii i Zachodniaha Buha 23—26°S, Biareziny 25—27°S, Soža i Prypiaci 26—28°S, Dniapra 26—29°S, Vilejskim vadaschoviščy — 25°S, voziery Narač — 26°S, Minskim mory — 27°S.
0
0
0
0
0
0