Inśpiektary DAI adabrali ŭ Minsku ŭ 21‑hadovaha žychara Babrujska pistalet i bojeprypasy, paviedamili ŭ adździele DAI Leninskaha RUUS stalicy.
Pa papiarednich dadzienych, babrujčanin 10 lipienia na stajancy la hipiermarkieta «Hipa» (pr. Rakasoŭskaha) sieŭ u BMV i staŭ pahražać kiroŭcu pistaletam. Pakul nieviadoma, z metaj kradziažu abo rabavańnia. Kiroŭca akazaŭ jamu supraciŭ. Pra hety incydent pastupiŭ zvanok u milicyju. Supracoŭniki DAI, jakija znachodzilisia pobač, zatrymali napadnika.
Pry dahladzie ŭ jaho byŭ kanfiskavany pistalet PM‑9 (Makarava), 65 patronaŭ da jaho kalibra 9 mm, 24 patrona kalibra 7,62 mm da pistaleta TT, 2 patrona kalibra 9 mm da pistaleta «Parabiełłum».
Leninskim RUUS zaviedziena kryminalnaja sprava pa č.2 ar.295 «Niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ» KK Biełarusi, jakaja praduhledžvaje da siami hadoŭ pazbaŭleńnia voli. Zatrymany źmieščany ŭ izalatar časovaha ŭtrymańnia.
