Pavodle staršyni Viciebskaj filii Sajuzu biełaruskich piśmieńnikaŭ Ludmiły Simanionak, hałoŭnych vyznačalnych umovaŭ usiaho dźvie: na konkurs prymajucca tvory pamieram da 10 drukavanych staronak, i aŭtaru pavinna być mienš za 35 hadoŭ.
Dasyłać litaraturnyja pracy možna na adras [email protected] nie paźniej za 1 listapada.
Tvory prazaikaŭ zusim nie abaviazkova musiać naležać da žanru histaryčnaj prozy, u halinie jakoj imia Uładzimiera Karatkieviča najbolš šyroka viadoma. I vieršy maładych paetaŭ taksama nia musiać być naśledavańniem jahonaj paetyčnaj tradycyi. Arhanizatary kažuć, što hatovyja vitać tvorcaŭ, jakija pišuć na lubyja temy, a pieramožcaŭ čakaje vandroŭka pa karatkievickich miaścinach — u Voršu, na małuju radzimu piśmieńnika.
Uładzimier Karatkievič naradziŭsia ŭ Voršy 26 listapada 1930 hodu. Ciapier u budynku, dzie kaliści była radzilnia, i dzie pryjšoŭ na śviet znakamity piśmieńnik-ziamlak, jakraz i mieścicca memaryjalny muzej Karatkieviča.