Nieviadomyja vyłamali kij i paškodzili ruku skulpturnaj vyjavy byłoha papy rymskaha, ustalavanaj na padvorku kaścioła Jezusa Miłasernaha.
Pavodle miascovych parafijanaŭ, skulptura paciarpieła ad vandałaŭ užo ŭ druhi raz. Pieršy taki vypadak zdaryŭsia nieŭzabavie paśla adkryćcia pomnika ŭ vieraśni 2008 hodu, prymierkavanaha da 30‑ch uhodkaŭ abrańnia Jana Paŭła II na apostalski pasad u Rymie.
Vikaryj parafii ksiondz Raman raspavioŭ, što ŭ milicyju padadziena zajava, kab znajšli złačyncaŭ. Śviatar pierakanany, što vandały papsavali pomnik naŭmysna, tym bolš što takoje zdaryłasia ŭžo nie ŭpieršyniu. Ksiondz Raman kaža, što minułym razam taksama źviartalisia pa dapamohu da milicyjantaŭ, adnak dahetul nichto ź milicyi nie paviedamiŭ, ci zaviaršyłasia śledztva i ci znajšli vinavatych.
Skulpturu Jana Paŭła II padaravaŭ kaściołu adzin z parafijanaŭ. Jon ža ŭkłaŭ srodki ŭ jaje ramont paśla pieršaha napadu vandałaŭ. Hetym razam, pavodle ksiandza Ramana, paškodžańni skulptury bolš istotnyja.
