Alaksandr Łukašenka ŭznaharodziŭ narodnaha artysta Rasii Juryja Antonava Ordenam Francyska Skaryny.Jak havorycca na aficyjnym sajcie kiraŭnika Biełarusi, «za vialiki asabisty ŭkład va ŭmacavańnie kulturnych suviaziaŭ pamiž Respublikaj Biełaruś i Rasijskaj Fiederacyjaj».
Vidavočna, heta sproba biełaruskaha kiraŭnika pakazać rasijcam, što Biełaruś kanfliktuje z Kramlom, a nie z rasijskim narodam.
Juryj Antonaŭ naradziŭsia 19 lutaha 1945 hoda ŭ Taškiencie ŭ siamji vajskoŭca. Siamja Antonavych doŭhi čas žyła ŭ Bierlinie, a paśla vyvadu savieckich vojsk z Hiermanii trapiła ŭ Maładziečna. Mienavita ŭ hetym biełaruskim horadzie i raspačałasia muzyčnaja karjera Antonava. Niekatory čas jon navat pracavaŭ u Biełaruskaj dziaržaŭnaj fiłarmonii.
Akramia Ordena Francyska Skaryny Juryj Antonaŭ maje i inšyja dziaržaŭnyja uznaharody — rasijskija Orden «Za zasłuhi pierad Ajčynaj» IV stupieni i Orden Pašany, a taksama zvańni — Narodny artyst Rasijskaj Fiederacyi i Zasłužany dziejač mastactvaŭ Rasijskaj Fiederacyi.
Orden Francyska Skaryny byŭ zasnavany ŭ 1995 hodzie pastanovaj Viarchoŭnaha Savieta jak adna z najvyšejšych dziaržaŭnych uznaharodaŭ Biełarusi. Nadajecca za asablivyja zasłuhi ŭ spravie
Kavalerami Ordena Francyska Skaryny ŭ roznyja časy stanavilisia hramadzianie Biełarusi, Rasii, Ukrainy i Francyi. Siarod śpievakoŭ taki honar mieli Mikałaj Baskaŭ, Nadzieja Babkina, Mikałaj Hnaciuk, Uładzimir Mulavin i Anatol Jarmolenka.
Adnak dahetul nivodzin biełaruski piśmieńnik nie atrymaŭ Ordena Francyska Skaryny. Niama siarod łaŭreataŭ i biełaruskich hramadskich dziejačoŭ i palitykaŭ. Zatoje jość rasijskija — mer Maskvy Juryj Łužkoŭ, Pavieł Baradzin, Hienadź Sielaźnioŭ i Barys Jelcyn.
