Mikałaj Mardachajeŭ, biełaruski hramadzianin, jaki pražyvaje ŭ amierykanskim Nantakiecie, štat Masačusets, byŭ aryštavany 23 červienia. Amierykanskija ŭłady padazrajuć jaho ŭ zdiajśnieńni złačynstvaŭ u internecie.Pamočnik hienieralnaha prakurora štata Masačusets, Łeńni A. Brejer, zajaviŭ, što biełarus padazrajecca ŭ kradziažy padatkaŭ amierykancaŭ z usioj krainy
Pavodle abvinavaŭčaha zaklučeńnia, u pieryjad z 2006 pa 2007 hod, Mardachajeŭ i jaho saŭdzielniki zavablivali svaich achviaraŭ na sajty, jakija prapanoŭvali amierykancam svabodnuju padrychtoŭku padatkovaj spravazdačnaści anłajn i elektronnuju padaču padatkovych dekłaracyj.
Schiema złačynstvaŭ była nadzvyčaj prostaj. Paśla taho, jak davierlivyja amierykancy ŭvodzili svaje dadzienyja ŭ sistemu, Mardachajeŭ z saŭdzielnikami ź Biełarusi vykarystoŭvaŭ ich kab viarnuć častku padatkaŭ. Hrošy pieravodzilisia ŭžo na rachunki złačynnaj hrupy. Pavodle abvinavačańnia, u niekatorych vypadkach suma zvarotu padatkaŭ pieravyšała sumu spłačanych padatkaŭ. Heta i zacikaviła śledčyja orhany. U vyniku
byli vykrytyja rachunki M.Mardachajeva, na jakich zachoŭvałasia kala $200 tys.
U tym vypadku, kali Mardachajeŭ budzie asudžany, jamu pahražaje maksimalnaje pakarańnie ŭ pamiery 20 hadoŭ pazbaŭleńnia voli, $250 tys. štrafu i kampiensacyja naniesienaj hramadzianam ZŠA škody.
Pakul abvinavaŭčaje zaklučeńnie źjaŭlajecca tolki abvinavačvańniami, a Mikałaj Mardachajeŭ ličycca nievinavatym.
Sprava biełarusa rasśledavałasia Padatkovym upraŭleńniem ZŠA i Kaznačejstvam hienieralnaha inśpiektara padatkovaj administracyi. Joj zajmajecca taksama pamočnik ministra justycyi ZŠA Adam Bukbajnder.
Za apošni čas heta nie pieršy vypadak, kali amierykanskija ŭłady abvinavačvajuć biełaruskich hramadzian u kibierzłačynstvach. 15 krasavika biahučaha hodu FBR aryštavała ŭ Čechii Dźmitra Naskaŭca, jakoha abvinavacili ŭ stvareńni sistemy vykarystańnia skradzienych bankaŭskich kredytnych kartak. Tady ž u Biełarusi byŭ aryštavany S.Siamaška, jakoha abvinavacili ŭ dapamozie D.Naskaŭcu. Ahułam Siamašku i Naskaŭca abvinavacili bolš čym u 5000 machlarstvach.