Orden budzie ŭručany pieršamu kiraŭniku niezaležnaj Biełarusi ŭ Dzień litoŭskaj dziaržaŭnaści.
Były staršynia Viarchoŭnaha Savieta Biełarusi, lider Biełaruskaj sacyjał‑demakratyčnaj Hramady Stanisłaŭ Šuškievič atrymaŭ list z kancylaryi prezidenta Litvy, u jakim paviedamlajecca, što Dala Hrybaŭskajte ŭznaharodžvaje jaho Ordenam Vitaŭta Vialikaha. Uznaharoda budzie ŭručanaja Stanisłavu Šuškieviču padčas cyrymonii ŭ prezidenckim pałacy 6 lipienia — u Dzień litoŭskaj dziaržaŭnaści.
«Ja časta byvaju ŭ Litvie. I litoŭskija palityki dahetul udziačnyja, što ŭ samyja ciažkija chviliny isnavańnia litoŭskaj dziaržavy, u 1990 hodzie, kali ŭ Vilni zachapili telecentr, była pahroza razhonu parłamienta, ja tudy pryjechaŭ jak pieršy namieśnik Viarchoŭnaha Savieta Biełarusi i vykazaŭ svaju salidarnaść ź litoŭskim narodam. U Litvie taksama vitali maju inicyjatyvu pa vyviadzieńni jadziernaj zbroi z terytoryi Biełarusi. Heta spryjała nie tolki našaj biaśpiecy, ale i litoŭskaj taksama. Dla mianie vialiki honar atrymać siońnia Orden Vitaŭta Vialikaha», — adznačyŭ Šuškievič
