Doŭh «Hazpromu» za tranzit hazu pa biełaruskaj terytoryi supastaŭny z doŭham Minska za haz, adnak Biełaruś nie dazvalaje «Hazpromu» pahasić zapazyčanaść.
Pra heta paviedamiŭ žurnalistam u Maskvie aficyjny pradstaŭnik «Hazproma» Siarhiej Kupryjanaŭ.
«Doŭh jość, situacyja stvorana tym, što biełaruski bok nie dazvalaje jaho pahasić, tamu što nie afarmlaje akty tranzitu», — cytuje Kupryjanava RIA Novosti.
«My čakajem ad biełaruskaha boku najchutčejšaha vyrašeńnia pa pahašeńni zapazyčanaści i vykanańni abaviazacielstvaŭ pa tranzicie. My čakajem, što pastaŭki pa tranzicie buduć ažyćciaŭlacca ŭ poŭnym abjomie», — padkreśliŭ Kupryjanaŭ.
Pavodle jaho słoŭ, nastupny płaciež — za majskija pastaŭki — «Biełtranshaz» pavinien ažyćciavić praz dva dni, i kali Biełaruś pa‑raniejšamu budzie płacić za haz pa letašniaj canie (150 dalaraŭ za tysiaču kubamietraŭ zamiest kantraktnaj cany ŭ 169 dalaraŭ) doŭh jašče ŭzraście.
«Pavodle apošnich źviestak, doŭh składaje 192 miljony dalaraŭ», — nahadaŭ pradstaŭnik «Hazproma».
Pavodle Kupryjanava, skaračeńnie pastavak hazu skłała 7 młn. z 45 młn. kubamietraŭ za sutki.
«Hazprom» abmiažoŭvaje pastaŭki hazu ŭ Biełaruś pastupova, kab nie stvarać technałahičnych prablem, rastłumačyŭ pradstaŭnik chołdynhu.
Kupryjanaŭ taksama paviedamiŭ, što ŭ suviazi z mahčymymi prablemami z tranzitam praź Biełaruś «Hazprom» prapracoŭvaje dadatkovyja mahčymaści pastavak hazu ŭ Jeŭropu.
Pavodle jaho słoŭ, hazapravod Jamał — Jeŭropa, jaki prachodzić praź Biełaruś, naležyć «Hazpromu», i heta dazvalaje rasijskamu chołdynhu raźličvać na ažyćciaŭleńnie tranzitu ŭ poŭnym abjomie. Adnak rasijski bok prapracoŭvaje dadatkovyja mahčymaści pastavak jeŭrapiejskim spažyŭcam, u tym liku praz Ukrainu i Polšču.
Razam z tym, dadaŭ Kupryjanaŭ, «Hazprom» spadziajecca, što ciapierašniaja rasijska‑biełaruskaja hazavaja sprečka nie budzie takoj surjoznaj, jak letašniaja z Ukrainaj.
21 červienia z 9.00 pa minskim časie «Hazprom» uvioŭ abmiežavańni na pastaŭku hazu ŭ Biełaruś «na 15% ad abjomaŭ płanavaj pasutačnaj pastaŭki hazu z pastupovym vychadam na ŭzrovień abmiežavańnia da 85% praparcyjanalna zapazyčanaści».
«Hazprom» patrabuje ad Minska pahasić zapazyčanaść u pamiery 192 młn. dołaraŭ za atrymany ŭ 2010 hodzie haz. Minsk, u svaju čarhu, zajaŭlaje, što «Hazprom» zavinavaciŭ Biełarusi bolš čym 200 młn. dołaraŭ za tranzit hazu pa biełaruskaj terytoryi.
Jak zapeŭnivaje Minenierha Biełarusi, niahledziačy na 15‑pracentnaje skaračeńnie pastavak hazu ź siońniašniaha dnia, jaho pastaŭki ŭ Jeŭropu ažyćciaŭlajucca bieśpierabojna.
Daručyŭšy «Hazpromu» abmiežavać pastaŭki hazu ŭ Biełaruś, prezident RF Dźmitryj Miadźviedzieŭ taksama rasparadziŭsia praciahnuć ź Minskam kansultacyi pa ŭrehulavańni doŭhu.
Biełaruskaja delehacyja na čale z namieśnikam ministra ekanomiki Andrejem Fiłonavym znachodzicca ŭ Maskvie z 20 červienia. Pra chod pieramoŭ ničoha nie paviedamlajecca.
