U Minsku z 14 pa 16 studzienia 2011 hoda projdzie supierfinał chakiejnaha Kantynientalnaha kubka siezona 2010/2011. Takoje rašeńnie było pryniata na naradzie Mižnarodnaj fiederacyi chakieja ŭ Budapiešcie.
Akramia čempijonaŭ Biełarusi — minskaha «Junactva» — u finalnym turniry prymuć udzieł dziejny ŭładalnik kubka aŭstryjski «Zalcburh» i pieramožcy paŭfinalnych hrup D i Je, paviedamlaje aficyjny sajt IICHF.
Pieramožcy hrupaŭ D i Je vyznačacca ŭ turnirach, što projduć 26-28 listapada. Hrupa D zhulaje ŭ francuzskim Ruanie, dzie aproč haspadaroŭ, vystupiać «Kovientry», lijepajski «Mietałurh» i pieramožca čverćfinalnaj hrupy B.
Hrupa Je zhulaje ŭ listapadzie ŭ italjanskim Azijaha. Aproč adnajmiennaha kłuba tut buduć hulać dacki «Sonderyjskie», kijeŭski «Sokał» i pieramožca čverćfinalnaj hrupy C.
U 2007 hodzie «Junactva» pieramahała ŭ Kantynientalnym kubku. Tady ŭ finale biełarusy ŭ sieryi bulitaŭ abyhrali «Avanhard». U studzieni 2010 hoda, što prajšoŭ u francuzskim Hrenobli «Junactva» zaniała 2-je miesca.