Pačatak pracesu ŭ paniadziełak 14 červienia ŭ 11.30.
14 červienia ŭ paniadziełak u 11.30 u Niaśvižskim rajonnym sudzie adbudziecca razhlad administracyjnaj spravy ŭ dačynieńni da kleckaha apazicyjaniera Siarhieja Panamarova. Tak pastanaviŭ Minski abłasny sud.
Nahadajem, što 15 sakavika hetaha hoda jon źviarnuŭsia ŭ prakuraturu Kleckaha rajona sa skarhaj na dziejańni načalnika kleckaj ŽKH Alaksandra Navickaha. Adnak u pravaachoŭnych orhanach zajavie Panamarova chodu nie dali, zatoje raspačali ŭ dačynieńni da jaho administracyjnuju spravu pavodle sustrečnaj zajavy Navickaha. U vyniku Klecki rajonny sud prysudziŭ Panamarovu štraf.
28 traŭnia Minski abłasny sud pastanaviŭ admianić rašeńnie Kleckaha rajonnaha suda i nakiravaŭ spravu da inšaha sudździ na novy razhlad. Pry hetym było adznačana, što sud nad Panamarovym adbyvaŭsia z parušeńniem šerahu artykułaŭ PVKaAPu.
