Takuju dumku vykazaŭ dyrektar rekłamnaha ahienctva «Janka» Jan Karpaŭ 7 červienia padčas pres‑łanču, jaki prajšoŭ u miežach fiestyvalu biełaruskamoŭnaj rekłamy «Adnak!».
«My možam kolki zachočam kazać pra karyść i dziejsnaść biełaruskamoŭnaj rekłamy, — zaznačyŭ Karpaŭ. — Ale ŭ nas niama faktaŭ, niama dakumientalna paćvierdžanaj karyści biełaruskamoŭnaj rekłamy. Niama ahulnanacyjanalnych statystyčnych źviestak na hety kont. A rekłamnyja ahienctvy pracujuć z realnaściu. Jak śćviardžaje kampanija «Budźma biełarusami!», 70% nasielnictva hatovy i chacieli b bačyć rekłamu ź biełaruskim kantekstam, vykarystańniem biełaruskich simvałaŭ, historyi, kultury, 40% žadajuć bačyć rekłamu na biełaruskaj movie. Ale, na žal, zamoŭcy rekłamy pra heta ničoha nie viedajuć i addajuć pieravahu rekłamie na ruskaj movie».
Kiraŭnik rekłamnaha ahienctva Publicis Hepta Alaksandr Vasilevič u svaju čarhu zajaviŭ, što vykarystańnie biełaruskaj movy robić lubuju rekłamnuju kampaniju bolš efiektyŭnaj. «Biełaruskaja mova vielmi padychodzić dla taho, kab zrabić pradukt bolš paznavalnym», — miarkuje jon.
Jak zaznačyła dyrektar pa raźvićci interaktyŭnaha ahienctva Red Graphic (Biełaruś — Rasija) Nadzieja Zielankova, rekłamadaŭcy raźličvajuć na toje, što ŭ rekłamnaj kampanii ich brend budzie «bolš zrazumiełym i paznavalnym». «A pakolki bolšaść nasielnictva ŭ Biełarusi razmaŭlajuć pa‑rusku, jany ličać ruskuju movu ŭ rekłamie bolš zrazumiełaj dla ludziej», — skazała Zielankova.
Takija sustrečy z dyrektarami rekłamnych ahienctvaŭ projduć jašče niekalki razoŭ, paviedamiła adna z kaardynataraŭ kampanii «Budźma biełarusami!» Nina Šydłoŭskaja. Padčas takich dyskusij rekłamisty abmiarkujuć nie tolki prablemy vykarystańnia biełaruskaj movy ŭ rekłamie, ale i źmieny ŭ zakon ab rekłamie, praktyčnyja aśpiekty raźmiaščeńnia rekłamnych materyjałaŭ na vulicach Minska. Zaraz, pavodle słoŭ Šydłoŭskaj, dla raźmiaščeńnia rekłamy na biłbordach nieabchodna prajści dastatkova ciažkuju praceduru ŭzhadnieńnia. «Heta tyčycca jak tekstavaha, hetak i vizualnaha afarmleńnia rekłamy», — zaŭvažyła Šydłoŭskaja.
Fiestyval biełaruskamoŭnaj rekłamy «Adnak!» startavaŭ 13 maja i budzie doŭžycca da pačatku lipienia. U miežach fiestyvalu praduhledžana niekalki naminacyj — televizijnaja i kinarekłama, drukavanaja i źniešniaja rekłama, dyzajn (paštoŭki, kalendary, buklety, łahatypy, firmienny styl), interniet‑rekłama (baniery, proma‑sajty, interaktyŭnyja prajekty), radyjo‑ abo aŭdyjorekłama.
