Pra heta paviedamiŭ 26 maja na pres‑kanfierencyi ŭ stalicy staršynia kamiteta architektury i horadabudaŭnictva Minharvykankama Viktar Nikicin.
Pavodle jaho słoŭ, ciapier štohadovy abjom žyllovaha budaŭnictva składaje 1,2 młn. kv. mietraŭ i nie pavinien pieravyšać hetuju ličbu. Ale heta tyčycca tolki terytoryi horada, astatniaje žyllo budzie budavacca ŭ pryharadzie.
Jak adznačyŭ Nikicin, razam z žyllom nieabchodna budavać i sacyjalnyja abjekty — palikliniki, škoły, dziciačyja sadki i h.d., adnak terytaryjalnyja mahčymaści Minska abmiežavanyja. Terytoryja horada budzie pavialičana z 350 da 550 kv. kiłamietraŭ, adnak dalejšaha pašyreńnia miežaŭ nie płanujecca, adznačyŭ Nikicin. Da taho ž, pavodle hienieralnaha płana Minska, jaho nasielnictva nie pavinna pieravyšać 2 młn. čałaviek.
Pavodle słoŭ architektara,
ciapier u stalicy žyvie 24% hramadzian Biełarusi, ale kali heta dola vyraście da 30%, ahulnaja sistema raśsialeńnia žycharoŭ respubliki pačnie burycca, što pryviadzie da zaniapadu małych haradoŭ.
Uličvajučy vastryniu žyllovaj prablemy ŭ stalicy, vybrana stratehija pa asvajeńni haradoŭ‑spadarožnikaŭ.
«Padobnyja sproby byli jašče ŭ savieckija časy, ale nie realizavalisia. Ideałohija haradoŭ‑spadarožnikaŭ takaja, što spačatku pavinna źjavicca vytvorčaść, jakaja potym budzie abrastać sacyjalnaj infrastrukturaj i žyllom», — adznačyŭ Nikicin.
Pavodle jaho mierkavańnia, dla taho kab žychary Minska pierajazdžali ŭ harady‑spadarožniki, nieabchodna stvaryć tam umovy, jak u stalicy, i vydzialać žyllo na bolš vyhadnych umovach. Pieršy ekśpierymientalny žyły rajon budzie pabudavany pad Smalavičami.