ŚMI susiedniaj dziaržavy narešcie adreahavali na aryšt lidera kampanii «Havary praŭdu» Uładzimira Niaklajeva.
Upłyvovy «Kommiersant», jaki naležyć «Hazpromu», va ŭčarašnim i siońniašnim numarach źmiaściŭ davoli vialikija artykuły, pryśviečanyja pieratrusam u demakratyčnych aktyvistaŭ z kampanii «Havary praŭdu». Pieršy ź ich — «Biełorusskije vłasti otvietili na «Hovori pravdu» — pryśviečany padrabiaznamu apisańniu dziejańniaŭ biełaruskich uładaŭ, pieratrusam i samoj dziejnaści hramadzianskaj kampanii, a druhi — «Za «Hovori pravdu» skazała Jevropa» — reakcyi Jeŭraparłamienta pa padziei
Cikava, što niezaležnaja i libieralnaja Hazieta.ru tolki paviedamiła ab pieratrusach i aryštach, vykarystaŭšy ŭ jakaści krynicy infarmacyi sajt «Chartyi 97».
Materyjały «Kommiersanta» mohuć stać sihnałam dla biełaruskich uładaŭ. Raniej vialikuju cikavaść da prablem biełaruskich demsił prajaŭlali tolki zachodnija ŚMI.