8 maja, napiaredadni Dnia Pieramohi, u Dziaržaŭnym miemaryjalnym kompleksie «Chatyń» adbudziecca žałobnaje nabaženstva. Śviataja Imša za katolikaŭ Chatyni i ŭsioj Biełarusi, a taksama za ŭsich tych, chto addaŭ svajo žyćcio ŭ baraćbie z nacyzmam, raspačniecca ŭ 12.00 niepadalok ad Viečnaha ahnia i pomnika Juzafu Kaminskamu.
U žałobnym nabaženstvie prymuć udzieł vierniki parafij z Łahojska, Pleščanic, Korania i inšych miaścin Biełarusi.
Siarod achviaraŭ karnaj akcyi nacystaŭ u Chatyni, jakaja adbyłasia 22 sakavika 1943 h., bolšaściu źjaŭlajucca vierniki Ryma‑katalickaj parafii Korań (Łahojski rajon), da jakoj u toj čas adnosiłasia v. Chatyń.
Ksiondz dekan Pavieł Słuka MSF, probašč parafii Śviatoha Kazimira ŭ Łahojsku, zaprašaje ŭsich žadajučych da ŭdziełu ŭ žałobnym nabaženstvie za achviaraŭ fašysckaha nacyzmu.
0
0
0
0
0
0
