Toj samy Chery.
Adnoŭlenyja pieramovy z kitajskaj kampanijaj Chery.
Pra heta 28 krasavika na pres‑kanfierencyi ŭ Minsku paviedamiŭ načalnik hałoŭnaha ŭpraŭleńnia pramysłovaści, transpartu i suviazi Minekanomiki Uładzimir Dziernavy.
Jon nahadaŭ, što jašče
letaś raspracoŭvaŭsia biźnies‑płan pa stvareńni vytvorčaści ŭ Biełarusi kitajskich lehkavych aŭtamabilaŭ. Aryjencirovačny košt prajekta składaŭ kala 260 młn dalaraŭ.
Adnak pa prośbie kitajskaha boku raspracoŭka biźnies‑płana była prypyniena. »Minuły hod byŭ kryzisnym, tamu raspracoŭka biźnies‑płana i jaho ŭzhadnieńnie nie byli daviedzieny da zaviaršalnaha etapu», — adznačyŭ Dziernavy.
Taksama, pavodle jaho słoŭ,
kitajski bok vyłučyŭ biełaruskamu boku šerah nievykanalnych patrabavańniaŭ,
u pryvatnaści, pa abjomach inviestycyj u realizacyju prajekta i patrabavańnie, jakoje tyčycca harantavanych pastavak aŭtamabilaŭ na rasijski rynak.
«Ciapier pieramovy praciahvajucca, ale praces krychu zapavoliŭsia. Heta źviazana z uvachodžańniem Biełarusi ŭ Mytny sajuz i niapeŭnaściu z mytami na impartnyja aŭtamabili», — skazaŭ Dziernavy.
U svaju čarhu,
namieśnik ministra ekanomiki Anatol Fiłonaŭ nahadaŭ, što kampanija Chery vyjhrała konkurs na arhanizacyju ŭ Biełarusi vytvorčaści lehkavych aŭtamabilaŭ.
«Pakul nie mahu kamientavać, jaki heta budzie aŭtamabil, ale kitajskaje aŭtamabilebudavańnie aktyŭna raźvivajecca. I nie ździŭlusia tamu, što jany buduć vyciskać jeŭrapiejskich vytvorcaŭ lehkavych aŭtamabilaŭ», — adznačyŭ Fiłonaŭ. Akramia taho, nahadaŭ jon, kitajski vytvorca lehkavych aŭtamabilaŭ Geely kupiŭ šviedski kancern Volvo bolš čym za 2 młrd dalaraŭ. «Heta taksama śviedčyć ab vialikim patencyjale kitajskaha aŭtamabilebudavańnia», — padkreśliŭ namieśnik ministra.