Na vystavie
Malunki, pradstaŭlenyja na ciapierašniaj vystavie, rychtavalisia da inšaj vystavy, jakuju ŭ 1990 hodzie zładzili ŭ Hiermanii aktyvisty, što dapamahali dzieciam Čarnobyla. Hetyja ludzi rabili svaju pracu da 2021 hoda, kali tradycyjnyja pajezdki dziaciej u Hiermaniju musili spynicca pa palityčnych abstavinach.
Malunak Maryny Zołatavaj
Akramia dziciačych malunkaŭ, na vystavie pradstaŭlenyja taksama zdymki lehiendarnaha biełaruskaha fatohrafa Uładzimira Sapahova (1952-2012), na jakich zafiksavanyja Čarnobylskija šlachi 1990-ch hadoŭ.
«Ni ŭ pracach, ni ŭ zdymkach niama nijakaha aptymistyčnaha aśpiektu. Niama nadziei, niama viery. Jość kryŭda, bol, złość, patrabavańnie spraviadlivaści. Nam siońnia hetyja pačućci vielmi znajomyja — takija znajomyja, što my navučylisia ich bolš nie adčuvać. Mianie hetaja vystava vučyć złavacca z usioj siły, bieśpierapynna, sa źviarynym adčajem. Kali čałaviek pierapoŭnieny takoj złościu, jon nie maje inšaha vyjścia jak dziejničać», — piša ŭ anatacyi da vystavy jaje kuratarka Paŭlina Vituščanka.
Vystava pracuje ŭ Vilni pa adrasie vuł. Vilenskaja, 20 (Vilniaus g. 20).
Čytajcie taksama:
Siońnia dzień, jaki biełarusam nielha, ni ŭ jakim razie nielha zabyvać
Jak vyhladajuć adsielenyja terytoryi praz 38 hadoŭ paśla avaryi na ČAES FOTY
Zabrudžanaja spadčyna Biełarusi. Ci možna jaje ŭbačyć i nakolki heta biaśpiečna?
