letašni kanfuz
Prezident Francyi Nikala Sarkazi, viadomy svaim dalikatnym staŭleńniem da pytańniaŭ rostu, skarystaŭsia 10-santymietrovym usłončykam padčas svajoj pramovy ŭ budynku AAN u Ńju-Jorku. Brytanskaja «San» paviedamlaje, što Sarkazi admysłova vioz hetuju pryładu, kab pavialičyć svoj rost padčas vystupy ŭ Amierycy.
Letaś Sarkazi ŭžo byŭ zaśpiety na haračym. U francuzskich hazietach apublikavali fotazdymki, na jakich francuzski prezident padčas śviatkavańnia čarhovaj hadaviny vysadki amierykanskich vojskaŭ u Narmandyi taksama staić na ŭsłončyku,
Kab kampiensavać śvij maleńki rost na hrupavych zdymkach ź lidarami inšych krainaŭ, čaho tolki Sarkazi nie robić: i stanovicca na palčyki (jak toje było na schodzie NATO), i zahadvaje, kab padčas vizitaŭ jaho akružali nievysokija ludźmi (jak zdaryałsia padčas adviedzinaŭ adnaho francuzskaha zavoda). Navat jahonaja žonka, Karła Bruni, u mužavaj prysutnaści zazvyčaj abuvaje čaraviki biez abcasaŭ.
U dadatak Sarkazi čynna zmahajecca z tymi, chto stroić kpiny ź jaho napaleonaŭskaha rostu. Dva tydni tamu jon padaŭ skarhu ŭ kanservatyŭnuju partyju Brytanii, paśla taho jak jaje kiraŭnik, Dejvid Kemeron pryludna nazvali francuzskaha prezidenta «karłam», i paśla taho, jak inšy vysokapastaŭleny siabar hetaj partyi, Džordž Osbarn, nazvaŭ jaho zedlik — «skrynkaj Sarkazi».
